Maicon, në Real ose Chelsea
Mbrojtësi brazilian Maicon pritet të largohet nga Interi gjatë kësaj vere, për t’iu bashkuar Real Madridit ose Chelseat.
Sipas të përditshmes spanjolle As, vetë futbollisti i ka prishur punët me drejtuesit e klubit Nerazzurr dhe po mendon ta shfrytëzojë artikullin 17 të UEFA-s për t’u liruar për më pak se 2 milionë euro.
Me këtë rast, madrilenët do ta merrnin gratis, pa pasur nevojë t’i paguajnë para Massimo Morattit.
Ndërkohë, klubi londinez, në alternativë të Maiconit e ka shënjestruar mbrojtësin e Olympique Marseilles, Cesar Azpilicueta, të cilin mund ta blejë për 8-10 milionë euro.