Makina ne ere hetim per detyren
Pikerisht mbi kete aksion jane shtrire hetimet e policise se qarkut te Fierit per te zbardhur shkaqet dhe autoret e venies se eksplozivit ne makinen e inspektorit Gentian Varfi mbremjen e se shtunes. Mjeti i tij tip BMW me targa greke i parkuar ne lagjen Apollonia ne qender te qytetit te Fierit u hodh ne ere pas vendosjes se lendes plasese. Nisur nga demet e shkaktuara sipas eksperteve eksplozivi mendohet te jete vendosur ne pjesen e parme te makines. Gjate dites se djeshme kane vazhduar hetimet ne lidhje me kete ngjarje te rende e cila paraprakisht po verifikohet ne kushtet e nje atentati per shkak te detyres qe mban Varfi ne Fier. Burime te policise se qytetit bene te ditur diten e djeshme se jane shoqeruar dhe marre ne pyetje me shume se 10 persona te cilet jane kontrolluar ditet e fundit nga Inspektorati Ndertimor ose kane pasur lidhje me aksionet e ketij organi. Ende nuk ka te dhena konkrete pasi askush nga te pyeturit nuk ka shfaqur dijeni per ngjarjen. Nderkohe edhe vete i demtuari Gentian Varfi ka deklaruar se nuk ka pasur problem me ndokend qe te arrihej ne kete pike ne vendosjen e lendes plasese duke rrezikuar jeten e kalimtareve te rastit. Ai ka deklaruar per policine se aktiviteti i dy javeve te fundit i Ndertimoreve te Bashkise ka qene heqja e tabelave reklamuese neper rruget e qytetit. Kjo sipas nje vendimi te fundit te ministrise. Gjithashtu vete inspektori ka treguar se me te gjitha bizneset kane gjetur mirekuptimin dhe gjithcka eshte kryer konform rregullave. Ne pyetje jane marre dje edhe kolege te Varfit te cilet sipas eksperteve te policise mund te kene dijeni per ndonje konflikt te mundshem. Tashme dosja ne ngarkim te ceshtjes i ka kaluar Prokurorise se Rrethit Gjyqesor Fier per hetime me te detajuara. Shperthimi ndodhi rreth ores 2230 ne qender te qytetit ne kohen kur ishte i parkuar. Per fat nuk ka pasur levizje ne ate ore pasi nga shperthimi me lende plasese mund te kishte pasoja per kalimtaret. Grupi hetimor do te vazhdoje verifikimet per ngjarjen duke marre ne pyetje dhe me tej personat e dyshuar per atentatin dhe duke krahasuar gjurmet qe mund te jene lene ne vendin e ngjarjes. Paraprakisht hetimet po kryhen nen pisten per shkak te detyres ndersa nuk eshte perjashtuar dhe ndonje konflikt personal i pronarit te mjetit.