Makina ne humnere, vdes 32-vjecarja
TROPOJE- Makina me pese pjesetare te nje familjeje perfundon ne humnere. Nje i vdekur dhe kater te plagosur eshte bilanci i aksidentit te ndodhur mesditen e djeshme ne vendin e quajtur Kthesa e Rragamit ne qytetin verior te Tropojes. Makina ne te cilen udhetonin 5 personat, mes te cileve dhe dy femije, ka dale nga rruga duke rene poshte 15 metra. Burime zyrtare te policise thane se ka humbur jeten Liljana Saracini, 32 vjece, pasagjere, ndersa eshte rende bashkeshorti i saj Besnik Saracini dhe nje e aferme e tyre, Laureta Meshi, 18 vjece. Fatmiresisht dy femijet e ciftit Saracini kane marre plage te cilat jane jashte rrezikut per jeten. Jeta e drejtuesit te automjetit dhe 18 vjecares sipas mjekeve paraqet rrezik per shkak te frakturave qe kane marre ne pjese te ndryshme te trupit. Te aksidentuarit jane derguar menjehere ne spitalin e Bajram Currit, per te marre ndihmen e shpejte. Mesohet se 32-vjecarja ka gjetur vdekjen ne vend, kurse te plagosurit nuk mund te mbaheshin ne kete qytet per shkak te mungeses se pajisjeve dhe reanimatorit. Spitali i Tropojes ka kerkuar pak momente pas ngjarjes edhe ndihmen e nje helikopteri per te transportuar te plagosurit ne Tirane. Mjeket kane hedhur idene e transportimit edhe per ne Kosove. Policia vendore nisi hetimet per ngjarjen dyke kryer edhe keqyrjen e vendit ku doli mjeti nga rruga. Burime zyrtare thane se rruga ku ndodhi aksidenti ishte ne rikonstruksion dhe mendohet qe infrastruktura te jete bere shkak per kete tragjedi qe ndodhi ne mesdite. Mendohet edhe per nje pakujdesi te drejtuesit te mjetit "Benz" ne kontrollin e makines, ndersa kane shpetuar per mrekulli dy femijet e ciftit. Aksidente kane ndodhur edhe gjate mbremjes se marte ne disa qytete te vendit, ky bien ne sy perplasjet e disa automjeteve ne aksin Kavaje-Rrogozhine dhe dy aksidentet ne Shkoder. Numri i te plagosurve ka shkuar ne mbi dhjete persona, po per fat te mire nuk ka patur te lenduar. Ne Kavaje jane perplasur pese automjete me njeri-tjetrin si pasoje e shpejtesise se madhe ne rruge.