Malaj: PS, jo me model lideri me pushtet absolut

Deputeti i Partise Socialiste, Arben Malaj, tha dje gjate fjales se mbajtur ne Kongres se eshte koha qe PS te qartesoje vizionin dhe avantazhet e saj si force kryesore politike per sfidat me te cilat perballet vendi. "Vizioni yne duhet t'iu pergjigjet tri sfidave: Modernizimit te Partise Socialiste, zgjerimit te aleancave, zhvillimit ekonomik dhe social te vendit. Sfida jone e pare eshte modernizimi i Partise Socialiste, si rruga me eficiente dhe e qendrueshme per te fituar dhe merituar mbeshtetjen e shqiptareve", deklaroi Malaj. Sipas tij, objektivi strategjik i angazhimit politik te Partise Socialiste eshte permiresimi rrenjesor i qeverisjes se vendit, duke e vene qeverisjen tone ne sherbim te qytetareve. Aktualisht, tha me tej ai, disa prej dukurive qe pengojne maksimizimin e efikasitetit te Partise Socialiste jane: pushteti i perqendruar, radikalizimi i marredhenieve me nje pjese te institucioneve te vendit, si dhe konceptimi i shumicave numerike si prova reale e standardeve te demokracise se brendshme. Per te, Partia Socialiste me reforma kushtetuese duhet te garantoje funksionimin demokratik te vendit; ajo duhet te ndale cdo tendence qe mund te cenoje institucionet e pavarura, duhet te ndale cdo praktike qe kufizon demokracine, qe rrit pushtetin absolut te disa qeveritareve apo te disa partiakeve. "PS duhet te pozicionohet qartesisht si nje parti e institucioneve te forta, nje model ndryshe nga modeli i kesaj mazhorance, ndryshe nga modeli i liderit me pushtet absolut, i cili rrezikon te ardhmen demokratike te vendit", u shpreh deputeti socialist.