Malaj: Qeveria deshtoi me buxhetin
Deputeti socialist Arben Malaj ka kritikuar qeverine per buxhetin e vitit 2009.
Duke iu drejtuar ministrit te Financave Ridvan Bode, i cili e mbrojti buxhetin, Malaj ka theksuar se qeveria nuk ka permbushur detyrimet kryesore dhe mashtron shqiptaret duke publikuar shifra.
“Ju keni ngelur ne vend. Ju zoti minister duhet te keni guximin t’iu thoni shqiptareve se te ardhurat per vitin 2009 do te jene aq sa do realizoheshin per 2008. Duhet te keni kurajo t’i thoni shqiptareve se keni deshtuar dhe se nuk do te jeni te afte te mblidhni si duhet taksat dhe te luftoni ekonomine informale”, ka pohuar Malaj.
Me tej ish-ministri i Financave ka akuzuar qeverine se nuk ka mundur te mbledhe shumen e duhur te lekeve per rruget rurale, si dhe se ka deshtuar ne integrimin e vendit.