Mali i Zi Serbia vazhdon spastrimin etnik

Podgorica zyrtare ka mbetur e indinjuar nga përmbajtja e enciklopedisë serbe, e cila i konsideron malazezët popull serb dhe Duklën djepin e Serbisë.

Kryetari i Parlamentit malazez, Ranko Krivokapic ka deklaruar se publikimi i kësaj enciklopedie është vazhdimi i politikës serbe të spastrimit etnik.

“Bëhet fjalë për një agresion të përhershëm dhe përpjekje për spastrimin etnik të malazezëve, me qëllim fshirjen e tyre si popull”, ka deklaruar Krivokapic.

Ai ka theksuar se kjo enciklopedi vë në rrezik stabilitetin e ballkanit dhe ka kërkuar nga qeveria malazeze që të reagojë me dinjitet dhe me forcën e ligjit.

Rasti në fjalë është i ngjashëm me atë të enciklopedisë maqedonase, që i konsideron shqiptarët si fise barbare që janë shtrirë në Ballkan me anë të dhunës.