“Mali” me hashash, 32 vjet burg
Gjykata e Krimeve te Renda ka shpallur “fajtore” dhe ka denuar dje me 32 vjet burg kater te akuzuarit per trafikimin te lendeve narkotike ne drejtim te Greqise. Gentian Baba, ish-oficer policie ne Komisariatin e Sarandes, Ylli Kapo, ish-efektiv i policise, Pelivan Mehmetaj, i gjykuar ne mungese dhe Ermal Nika, jane denuar me nga 8 vjet burg secili. Arrestimi i tyre u krye ne aksin rrugor Muzine-Delvine, me 16 korrik te vitit 2006. Gjate operacionit u kapen 750 kg lende narkotike e presuar dhe ambalazhuar, qe u gjenden ne brendesi te nje furgoni tip “Benz”, me targa gjermane qe drejtohej nga Ermal Nika. Sipas trupit gjykues, dy ish-policet shoqeronin “mallin” me nje veture, ndersa Pelivan Mehmetaj organizonte gjithcka nepermjet telefonatave. Nen akuzat e “trafikimit te lendeve narkotike” dhe “krijimit te grupit te strukturuar kriminal”, prokuroria kishte kerkuar disa jave me pare 51 vjet burg per kater te pandehurit.