PD voton “Ramen” per reformen ne drejtesi
Mazhoranca qeverisese pranon paketen e Edi Rames, per reformen ne drejtesi. Kryetari i Grupit parlamentar demokrat, Astrit Patozi, u beri thirrje dje te gjitha forcave politike qe te votojne brenda kesaj jave paktin e opozites per reformen ne drejtesi. “Sigurisht me plotesimet tona. Jemi te vendosur t’i shkojme deri ne fund kesaj reforme”, tha Patozi, duke manifestuar se konsensusi per reformen ne drejtesi mes partive politike do te vijoje. “Pakti Kombetar per Drejtesine”, i prezantuar jave me pare nga Rama, i cili ftoi te gjitha partite politike te angazhohen ne realizimin e projektit. Pakti kerkon reformimin e gjyqesorit, prokurorise, menyres se financimit te sistemit te drejtesise si dhe vendosjen e afateve konkrete per Kuvendin per zhvillimin e seancave degjimore. Nderkohe qe dje, Kuvendi votoi, pas shume perpjekjesh, me konsensus projektligjin per “Organizimin e Pushtetit Gjyqesor”, hapi i pare drejt reformes ne drejtesi. Me 107 vota pro, 1 kunder dhe dy abstenime, Kuvendi kaloi reformen ne gjyqesor, qe parashikon procedura te reja per emerimin e gjyqtareve, trajtimin me page te tyre, kontrollin e karrieren. Kunder votoi vetem deputeti i sapoemeruar, Spartak Braho. Ne emer te Grupit parlamentar LSI-PDS, Braho tha se projektligji nuk e ndihmon aspak drejtesine. “Pretendohet se krijohen gjykata administrative, por nuk eshte e vertete. Po beni demagogji politike dhe mbi te gjitha po shkelni Kushtetuten”, akuzoi Braho. Abstenim votuan deputetet Petro Koci dhe Durim Lamaj. “Ju pergezoj, me kete votim tregohet se klasa politike eshte maturuar”, tha Kryetarja e Kuvendit, Jozefina Topalli. Dy kreret e grupeve te medha parlamentare, Astrit Patozi PD dhe Valentina Leskaj PS, vleresuan miratimin e djeshem si nje arritje drejt reformes. “Eshte nje garanci me shume per vazhdimin e reformave. Reforma ne drejtesi nuk duhet te mbetet vetem te komisioni i ligjeve, por te ece perpara”, tha Leskaj. Po keshtu edhe Patozi theksoi se votimi i projektligjit eshte vetem fillimi. “Me kete fryme bashkepunimi do te shkojme deri ne fund me reformen ne drejtesi”, vijoi Patozi. Ai kerkoi te njejtin konsensus per reformen zgjedhore nga te gjitha forcat politike.
R.Rapushi
Reforma
Kreret e grupeve te medha politike, PD-PS, bejne thirrje per me shume konsensus per te nxjerre nga ngerci reformen zgjedhore. Astrit Patozi dhe Valentina Leskaj kerkuan dje ne Kuvend qe te gjendet nje zgjidhje edhe per reformen zgjedhore, pasi realizimi i saj s’mund te lihet ne fund, se do te vihet ne dyshim cilesia. Reforma zgjedhore ka ngecur te percaktimi i sistemit zgjedhor.
Votimi
Vitore Tusha eshte anetarja me e re e Gjykates Kushtetuese. Me konsensus, Kuvendi miratoi dje kandidaturen e sjelle nga Presidenti i Republikes per postin vakant te mbetur ne Kushtetuese. Tusha u votua me 100 vota pro, 1 kunder dhe 3 abstenime. Votimi vertetoi se ajo mori edhe bekimin e opozites ne salle.