Mallrat e importit, cmimet 5 % me te ulta se me 2008

Cmimet e mallrave te importit kane rene me rreth 5 per qind, ne krahasim me nje vit me pare. Duke qene se, Shqiperia eshte nje vend me konsum pothuajse mbi 90 per qind te bazuar ne importe, ulja e cmimeve ne vendet e tjera ndikon ne menyre te drejtperdrejte edhe tek cmimet ne tregun vendase. Sipas Autoritetit Qendror Bankar inflacioni i importuar shenoi norma te uleta rritjeje ne tremujorin e pare te vitit 2009. Ndersa, norma vjetore e inflacionit te importuar rezultoi 0.2 per qind, rreth 5 pike perqindje me e ulet se nje vit me pare dhe 1 pike perqindje me e larte se e tremujorit te katert te vitit 2008. Ngadalesimi i ritmeve te rritjes vjetore eshte shkaktuar kryesisht nga renia e ndjeshme e cmimeve te huaja dhe nga efekti prapaveprues i vleresimit te monedhes tone. Cmimet e huaja jane luhatur ndjeshem gjate vitit te kaluar, duke marre vlera ne intervalin 2.1 - 4.3 per qind. Ato u rriten ne nivel vjetor mesatarisht me 3.6 per qind gjate vitit 2008, duke kaluar mesataren e tyre historike me 1 pike perqindje. Ndryshimi vjetor i indeksit te cmimeve te huaja ne tremujorin e pare te vitit ishte 1.5 per qind, niveli me i ulet i regjistruar ne nente vitet e fundit. Renia e cmimeve te lendeve baze, ushqime dhe nafte si dhe ngadalesimi i rritjes ekonomike ne Itali dhe Greqi kane nxitur renien e cmimeve te konsumit. Inflacioni ne vend ka shfaqur te njejten sjellje, duke deshmuar per ndikimin e ecurise se cmimeve te huaja, ne procesin cmimformues ne vend.