Mancini: Chelsea do ta fitojë titullin

Trajneri i Manchester Cityt, Roberto Mancini, vazhdon të mbajë qëndrimin e tij se Chelsea do ta fitojë titullin këtë sezon.

Blutë aktualisht janë jashtë top katërshes dhe po kalojnë në një fazë jo të këndshme, por italiani ende beson se ata mund të rikthehen për të mbrojtur titullin.

“Chelsea ka më shumë shanse. Ata kanë probleme në këtë moment pasi Carlo (Ancelotti)  ka tre ose katër lojtarë të rëndësishëm të dëmtuar. Kur të jeni në një situatë të tillë për dy ose tre muaj, është e vështirë”.

“Por Arsenal, Chelsea, United dhe Tottenham të gjithë kanë më shumë përvojë se ne dhe, mbase, një prej këtyre do ta fitojë titullin. Ne duhet të përpiqemi dhe të qëndrojmë aty dhe të përmirësohemi”, ka thënë Mancini.