Manifestimi, PS bën thirrje për qetësi

Dy orë përpara orgazimit të manifestim homazhit në kryeqytet, Partia Socialiste i bën thirrje qytetarëve për qetësi.

Në një konferncë për shtyp anëtarja e Asamblesë Kombëtare të PS-së Megi Ajtyresa i bëri thirrje qytetarëve të respektojnë ecurinë e lëvizjes së kortezhit dhe të jenë bashkëpunues me policinë.
 

“Këto janë orë të rënda për Shqipërinë. Bota i ka sytë nga ne. Le të japim mesazhin se jemi një popull i qytetëruar në rrugën e vendosjes së demokracisë” theksoi Ajtyresa.

Ndërkohë PS-ja pritet që të organizojë sot manifestimin homazh në nder të 3 viktimave të demonstratës së 21 janarit. Sipas opozitës në këtë manifestim nuk do të ketë pankarta apo thirrje kundër qeverisë por vetëm heshtje, lule dhe qirinj.