Maqedoni, dyshime për shitjen e organeve

Mbi 30 qytetarë në Maqedoni deri tani kanë ofruar për të shitur veshkët e tyre në Klinikën për nefrologji në Shkup. Lajmin e ka bërë të ditur sot televizioni A1.

Sipas materialit investigues, qytetarët drejtpërdrejt janë paraqitur në këtë klinikë duke ofruar tek një nga specialistët e njohur, Ninoslav Ivanovski.

Siç nënvizohet se qytetarët e interesuar pasi që janë refuzuar ata sigurisht kanë ndjekur rrugën e shitjes ilegale të organeve të tyre. Në vendet fqinje bëhet e ditur se ekzistojnë qendra për tregtinë me organe njerëzore dhe dyshohet se edhe shtetasit e Maqedonisë janë pjesë e këtij tregu.

Ministria e brendshme nuk ka njohuri për shitjen e organeve brenda territorit të vendit, por ajo nuk përjashton mundësinë që kjo të ndodhë në vendet fqinje edhe ate për shkak të rasteve të rënda sociale dhe varfërisë. (INA)