Maqedoni proteste e gazetareve

Protesta është zhvilluar pas mbylljes së tre gazetave dhe largimit nga puna të dy gazetarëve, të cilët denoncuan presionet e pronarëve.

“Ne duhet të ngremë zërin kur mbyllen mediat, pavarësisht cilat janë arsyet, pasi ata që e pësojnë janë 150 gazetarë që mbeten pa punë”, ka deklaruar Naser Selmani, kryetar i Shoqatës së Gazetarëve të Maqedonisë.

Ai ka theksuar se gazetarët duhet të shfrytëzojnë të gjitha të drejtat ligjore në mënyrë që të mbrojnë të drejtat e tyre në punë dhe dinjitetin.

Ndryshe nga disa pronarë, ai i tre gazetave “Vreme”, “Koha e Re”, “Shpic” dhe televizionit A1, Velija Ramkovski ndodhet ende në qeli pasi arrestimit në dhjetor të vitit të kaluar.

Kryeredaktori i këtij televizioni, Mlladen Cadikovski ka deklaruar se institucioni mund të mbyllet nëse nuk paguan borxhet që i ka faturuar shteti.