Maqedoni/Shkollat bojkotojnë mësimin, gabime për shqiptarët

Shkollat e mesme shqiptare në Maqedoni kanë vendosur të bojkotojnë librin e gjeografisë për vitin e dytë, i cili përmban shumë gabime dhe informacione të pavërteta për popullin shqiptar.
Por nga ana tjetër, qeveria maqedonase ka bërë të ditur se nuk ka ndërmend të tërheqë librin e gjeografisë, pavarësisht protestave të komunitetit shqiptar.

Ministri i Arsimit, Nikola Todorov ka deklaruar se libri i gjeografisë dhe disa të tjerë nuk do të tërhiqen.

"Viti shkollor fillon të mërkurën më 1 shtator, ashtu si çdo vit.
Nxënësit do të mësojnë me librat që janë përdorur para tre ose pesë viteve", ka pohuar Todorov.