Mark van Bomel është lojtar i Milanit

Milani ka kompletuar nënshkrimin e mbrojtësit holandez Mark van Bomel nga Bajern Mynih. Lajmin e ka konfirmuar edhe Bajerni në faqen zyrtare të internetit: “Largohem nga Bajerni me dhimbje në zemër, por me kokën lart. Kam shijuar katër vite e gjysmë shumë të suksesshme dhe do të doja të falënderoj klubin dhe fansat. Kurrë nuk do ta harroj Bajern Mynihun”, citohet të ketë thënë Van Bomel. Holandezi 33-vjeçar iu bashkua Bajernit nga Barcelona në verën e vitit 2006.