Serbi, 240 vjet burg vrasësve të tifozit francez

Gjykata e lartë në Beograd dënoi katër organizatorët e grupit të tifozëve, të cilët rrahën për vdekje tifozin francez Brik Taton me burg prej 30 deri 35 vjet; ndërsa tetë të akuzuarit e tjerë, me dënime prej 12 deri 14 vjet burg. Dy nga të akuzuarit u dënuan përkatësisht me katër dhe pesë vjet burg për shkak të sjelljes së dhunshme, transmeton REL. Dënimi i përgjithshëm i të akuzuarve arrin në 240 vjet burg. Nga katër të akuzuarit kryesorë, Gjorgje Preliç u dënua me 35 vjet burg, Dejan Puzigaça me 32 vjet, ndërsa Ivan Grkoviç dhe Lubomir Markoviç me nga 30 vjet burg. Dy të parët janë në arrati.