Marrëdhëniet Kosovë-Maqedoni, përplasje mes partive shqiptare

Mosvendosja e marëdhënieve diplomatike mes Maqedonisë dhe Kosovës ka shkaktuar përplasje mes sybjekteve politike DR- dhe BDI-së në maqedoni. Zëdhënësi i Qeverisë, Shefik Duraku shprehet se vonesa ka ndodhur për çështje teknike ndërsa zëdhënësi i DR-së Arjanit Hoxha akuzoi qeverinë se po manipulon qytetarët pasi iu kishte premtuar se Maqedonia do të hapte ambasadën në Kosovë deri në mesin ose fundin e muajt shkurt. "Premtimet i konsiderojmë si manipulime me qytetarët shqiptarët të Maqedonisë pasi tani jemi në mesin e muajit mars dhe kjo çështje është harruar plotësisht nga ana e BDI-së. Po ashtu fakti që një delegacion i Maqedonisë, ka vizituar Serbinë së fundmi, dëshmon edhe njëherë që partia shqiptare në pushtet BDI-ja, nuk është interesuar fare që delegacionet zyrtare të shkojnë edhe në vizita në Kosovë" tha Hoxha. "Çështja e vendosjes së marrëdhënieve diplomatike është thjesht çështje teknike e cila nuk do themi se kur do të ndodhë për shkak se kontaktet mes dy ministrive përkatëse të jashtme të Maqedonisë dhe Kosovës janë vendosur dhe në atë drejtim punohet"- tha Duraku. Maqedonia, me anë të një rezolute në Parlament njohu Kosovën si shtet të pavarur më 9 tetor të vitit 2008 dhe që nga kjo kohë edhe pse është paralajmëruar shumë herë, Maqedonia ende nuk ka vendosur hapjen së ambasadës së saj në Prishtinë