Marrëveshja, 14 vende aleate në NATO, bien dakord për të rritur mbrojtjen ajrore evropiane

Ministrat e mbrojtjes nga 14 aleatë të NATO-s – përfshirë Britaninë e Madhe plus Finlandën, nënshkruan një dokument me qëllim krijimin e një sistemi evropian të mbrojtjes ajrore dhe raketore, përmes blerjes së përbashkët të pajisjeve të mbrojtjes ajrore dhe raketave nga vendet evropiane.

“Ky angazhim është edhe më vendimtar sot, pasi ne jemi dëshmitarë të sulmeve raketore të pamëshirshme dhe pa dallim nga Rusia në Ukrainë,”- tha zëvendëssekretari i përgjithshëm i NATO-s, Mircea Geoană.

Nëpërmjet një deklarate, NATO tha se iniciativa do t’i lejojë të gjitha kombet pjesëmarrëse që të zhvillojnë së bashku një sistem të mbrojtjes ajrore, duke përdorur zgjidhje të ndërveprueshme. BBC

/rtsh.al/