Marrëveshja me Rusinë, anija e parë e ngarkuar me grurë, gati të niset nga Ukraina

Anija e parë e ngarkuar me grurë nga Ukraina që nga pushtimi i Rusisë është gati të niset për eksport dhe pret sinjalin për t’u larguar nga porti, thotë Presidenti Volodymyr Zelensky.

Deklaratën ai e bëri gjatë një vizite në portin e Chornomorsk, pasi shefi i ndihmës i OKB-së tha se anija mund të nisej që të premten.

Një marrëveshje e udhëhequr nga OKB u nënshkrua një javë më parë për të rifilluar eksportet pas një bllokimi që çoi në rritje të çmimeve të ushqimit.

Ndërsa anija po ngarkohej me grurë, zyrtarët thanë se 17 anije të tjera ishin tashmë të ngarkuara me 600,000 ton ngarkesë.

Shefi i ndihmës i OKB-së bëri të qartë se eksportet mund të rifillonin në mënyrë të sigurt vetëm kur të finalizohej rruga përmes Detit të Zi.

Sipas marrëveshjes së nënshkruar nga Rusia dhe Ukraina, korridori detar, kolona dhe inspektimi i ngarkesës po organizohen të gjitha nga një qendër e përbashkët koordinimi (JCC) në Turqi./ BBC

/rtsh.al/