Marrëveshje në fushën e sigurisë në rast kërcënimi

Këshilli Gjyqësor i Kosovës nënshkroi marrëveshje mirëkuptimi me Policinë e Kosovës në lidhje me bashkëpunimin në fushën e sigurisë individuale të gjyqtarëve në rastet e kërcënimeve të tyre brenda fushë veprimtarisë.

Kjo marrëveshje u nënshkrua me qëllim të avancimit te bashkëpunimit të ndërsjellët për rritjen e efektshme risë dhe efikasitetit në fushën e zbatimit të ligjit si dhe sigurinë e gjykatësve.

Kryesuesi i Këshillit Gjyqësor Enver Peci theksoi se "kjo marrëveshje do të ndikoj që gjyqtarët në punën e tyre të ndihen të pavarur dhe se vendimet gjyqësore do të jenë të drejta dhe të paanshme’’, andaj, këtë marrëveshje ai e konsideroj si të domosdoshme.

Ky memorandum përcakton bashkëpunimin në mes të PK-së dhe KGJK-së, me qëllim të ofrimit të sigurisë individuale të gjyqtarëve në rast të kërcënimit të tyre.

Pjesëmarrësit, po ashtu pajtohen që ti japin mbështetje njërit tjetrit në fushën e shkëmbimit të informatave që kanë të bëjë më rrezikun e drejtpërdrejt ndaj jetës dhe pronës së gjykatësve gjatë fushë veprimtarisë së tyre gjyqësore. Palët nënshkruese të kësaj Marrëveshje të Mirëkuptimit kanë shprehur interesimin që në bazë të bashkëpunimit reciprok e me interes të përgjithshëm të krijohen kushtet e nevojshme, për mundësimin e bashkëpunimit në fushën e sigurisë individualë të gjyqtarëve në rastet e kërcënimeve të tyre brenda fushë veprimtarisë gjyqësore.

Në momentin e nënshkrimit të kësaj marrëveshje palët obligohen që ti përmbushin detyrimet e përshkruara në nenet në vijim të kësaj Marrëveshje.
Marrëveshja u nënshkrua nga Kryesuesi i Këshillit Gjyqësor të Kosovës Enver Peci, dhe Drejtori i Përgjithshëm i Policisë së Kosovës, Shpend Maxhuni zbatimi i se cilës fillon nga dita e nënshkrimit. /Indeksonline/