Martesa e tretë për Aretha Franklin

Mbretëresha e muzikës Soul, Aretha Franklin me mikun e saj William Wilkerson, do të martohen verën e ardhshme në Miami Beach, në bordin e një jahti privat.

Për ikonën e muzikës Soul, e cila në muajin mars mbush 70 vjeç, do të jetë hera e tretë e cila ajo do të pohojë me plot gojën fjalën po.

Kjo lidhje vjen pas dështimit të martesës me menaxherin e saj Ted White, me të cilën ka dhe 2 fëmijë. Fundi i martesës erdhi në vitin 1968, pasi bashkëshorti e keqtrajtonte.

Pas kësaj lidhje, në horizont shfaqej një tjetër, kjo pas 10-viteve me Glynn Turman, prej të cilit u divorcua në vitin 1984.

Pas humbjes së madhe në peshë dhe rëndimit të gjendjes shëndetësore, kjo pas operacionit kundër kancerit, Franklin tashmë duket mëse në formë.