Masa shpreson të rikthehet në Brazil

Tashmë Budapesti është hedhur pas krahëve dhe Felipe Masa shikon drejt të ardhmes. Këtë javë braziliani pritet të kryejë një sërë testesh mjekësore në Majami. Pastaj ai hedh vështrimin drejt datës 18 tetor.

“Shpresa jonë dhe e të gjithë brazilianëve është që Felipe të rikthehet në garën për çmimin e madh në vendin e tij. Do të ishte diçka fantastike për të dhe për të gjithë tifozët e tij,”- ka thënë i ati, Luis Antonio.