Masat antikrize te efektshme. Tregjet i rikthehen besimit
Ndersa udheheqesit e vendeve te Eurozones bene publike masat per te mbrojtur institucionet financiare dhe per te garantuar dhenien e huave nder bankare, shefi i Fondit Monetar Nderkombetar Dominik Shtraus-Kahn tha dje se, tanime ka nisur nje program i bashkerenduar dhe efektiv per t'i bere balle krizes financiare. Shtraus Kahn foli ne mbyllje te takimit te ministrave te financave te vendeve te zhvilluara dhe atyre ne zhvillim. Ai tha se masat urgjente te bera publike nga udheheqesit evropiane ne Paris jane shume pozitive. "Une kam besim sepse besoj se cfare eshte bere keto dite duke filluar qe nga deklarata e perbashket e shtate vendeve me te industrializuara, duke vazhduar me pas me takimin vjetor te Fondit Monetar Nderkombetar dhe Bankes Boterore apo takimi i udheheqesve te vendeve te eurozones eshte pikerisht veprimi i duhur."Franca, Gjermania, Italia dhe vende te tjera te eurozones do te garantojne dhenien e huave nder bankare dhe do t'u japin para kesh bankave ne nevoje. Keto masa kane per qellim te rikthejne besimin e investitoreve dhe te bejne qe tregjet te funksionojne sic duhet. Te shtunen zoti Shtraus-Kahn paralajmeroi se sistemi financiar global po shkonte drejt shkaterrimit. Sipas presidentit te Bankes Boterore, Robert Zellik, kriza financiare se bashku me rritjen e cmimeve te ushqimit dhe karburantit qe i parapriu krizes, kane varferuar sivjet rreth 100 milione vete ne bote. Dje Zellik u tha gazetareve se problemet e papara ndonjehere ne tregjet financiare perbejne nje kercenim te madh per vendet ne zhvillim. "Kjo ishte nje katastrofe qe u shkaktua nga vete njerezit. Edhe veprimet dhe pergjigjet ndaj krizes varen nga ne. Duhet gjithashtu te sigurohemi qe, ndersa qeverite dhe taksapaguesit e perqendrojne vemendjen ne problemet financiare vendore, ato nuk do te terhiqen nga zotimet e tyre per te shtuar ndihmen per vendet ne zhvillim."Kriza ekonomike, gjate se ciles shume tregje boterore humben rreth 20 per qind te vlerave te tyre vetem gjate javes se fundit, terhoqen vemendjen e zyrtareve financiare gjate takimeve vjetore te FMN-se dhe Bankes Boterore ne Uashington. Ata pershendeten nje plan veprimi per masa urgjente te bashkerenduara, i cili u prezantua te premten nga ministrat e Financave te Shteteve te Bashkuara, Evropes dhe Japonise.