Vret vjehrren duke e mbytur me perparese, 15 vjet burg Maznikut

Tirane - Vrau vjehrren duke mbytur me perparese, gjykata e denon me 15 vjet heqje lirie. Vasilika Mazniku, 62 vjecarja eshte shpallur dje fajtore nga Gjykata e Tiranes nen akuzen e "vrasjes me dashje". Sipas vendimit te dhene nga ana e trupit gjykues te kryesuar nga ana e gjyqtarit Fehmi Petku, e pandehura Mazniku akuzohet per vrasjen me dashje te vjehrres se saj, Bozhane Mazniku. Ngjarja per te cilen akuzohet e pandehura ka ndodhur me 31 gusht te vitit te kaluar, kur Mazniku ka mbytur me perparese ne dhomen e gjumit, njerken e burrit te saj, Bozhanen 72 vjece, te cilen e akuzonte per lidhje jashtemartesore me bashkeshortin e saj. Nga hetimet ka rezultuar se autorja e krimit ka pasur dy arsye per te vrare vjehrren e saj, xhelozine dhe konfliktin per pronen. Dy seanca me pare prokurori i ceshtjes i kerkoi togave te zeza shpalljen fajtore dhe denimin e te pandehures, me 16 vjet heqje lirie. Ndersa vete e pandehura ne deklarimet e saj, nje seance me pare, i ka kerkuar trupit gjykues meshire. Ne deshmine e dhene ne seancen e fundit te ketij procesi gjyqesor e pandehura ka sqaruar se bashkeshorti i saj, Sotiri, ka pasur lidhje me ish-vjehrren e saj (njerka e tij) dhe kete fakt ajo e ka ditur qe prej kohes kur ka qene ne prag te marteses. Por, per gjithe keto vite e ka mbajtur sekret historine, duke vuajtur faktin se bashkeshorti e tradhtonte me njerken. Shkak i atij sherri te momentit, vec akumulimit te inatit per vite me radhe, ka qene dhe banesa qe te dyja grate ndanin. Sipas deklarimeve te dhena nga vete e pandehura ne hetimet paraprake por edhe ne gjykate, diten e ngjarjes ajo ka gjetur bashkeshortin e saj, Sotir Maznikun ne krevat me vjehrren. Por jo vetem kaq. Sipas te pandehures vetem 5 dite perpara se ajo t'i vriste vjehrren, bashkeshorti i saj i kishte bere me dije se kishte kryer marredhenie edhe me vajzen e tyre. Ndersa pak minuta me vone viktima i kishte thene se do t'i merrte edhe banesen ne te cilen jetonte. Kjo gje ka nxehur te pandehuren e cila vendosi t'i jape fund gjithcka pasi gjeti bashkeshortin e saj ne krevat me vjehrren. E pandehura Mazniku e ka pranuar qe ne fillim te procesit gjyqesor autoresine e krimit duke shpjeguar gjykaten se vrasjen e kishte kryer ne kushte te tronditjes se forte psikike, veprim per te cilin, ishte penduar. Vasilika Mazniku do te perfitoje nje te treten e uljes se denimit pasi u gjykua me gjykim te shkurtuar, ashtu sic ishin aktet e paraqitura nga prokuroria. Kesaj te fundit i mbeten edhe 10 vjet heqje lirie per te kryer nga vendimi perfundimtar i dhene nga gjykata.

Si ndodhi krimi

Ngjarja, per te cilen akuzohet e pandehura Mazniku, ka ndodhur me daten 31 gusht te vitit te kaluar, rreth ores 16:30, ne rrugen "Sitki Cico", perballe nje shkolle 9-vjecare, ne nje banese private. E moshuara ishte e shtrire ne dhomen e ndenjes, kurse viktima gjendej ne dysheme, ku dhe eshte mbytur me nje perparese ne qafe. Krimi sipas hetimeve eshte kryer per dy motive, xhelozi dhe konflikt per pronen.

Redinalda Caushaj