Mashtroi me 10 mijë euro një shtetas nga Maqedonia e Veriut, policia prangos 46- vjeçaren në Elbasan

Policia bëri të ditur se një 46-vjeçare nga Elbasani, dyshohet se ka mundur të mashtrojë nëpërmjet rrjeteve sociale një shtetas të moshës 32-vjeçare nga Maqedonia e Veriut, duke përfituar prej tij rreth 10 mijë euro.

Për ta bërë ti funksionojë mashtrimi, ajo ka skemën e prezantimit të të dhënave të rreme shëndetësore dhe personale të saj. Nëpërmjet kësaj skeme dyshohet se shtetasja E. D. ka përfituar rreth 10 000 euro.

“Strukturat hetimore të DVP Elbasan, si rezultat i administrimit të menjëhershëm të kallëzimit të një shtetasi nga Maqedonia e Veriut, për një rast mashtrimi, kanë iniciuar në Prokurorinë e Elbasanit, një hetim me qëllim zbardhjen dhe dokumentimin e plotë ligjor të këtij rasti. Nga provat e siguruara si rezultat i hetimit të thelluar, me metoda proaktive, u organizua dhe u finalizua operacioni policor i koduar “Teknika”, në kuadër të të cilit, nga shërbimet e Forcës së Posaçme Operacionale të DVP Elbasan, u arrestua në flagrancë shtetasja E. D., 46 vjeçe, banuese në Elbasan. 46-vjeçarja ka mashtruar nëpërmjet rrjeteve sociale, një 32-vjeçar nga RMV, duke i prezantuar të dhëna të rreme shëndetësore dhe personale të saj. Nga kjo veprimtari kriminale dyshohet se shtetasja E. D. ka përfituar rreth 10 000 euro. Vijojnë hetimet për identifikimin dhe arrestimin e shtetasve të tjerë që mund të jenë implikuar në këtë rast.“- thuhet në njoftimin e policisë.

/rtsh.al/