Maskat grabisin pasagjeret me arme
Burrel- Rikthehen maskat ne zonen e thelle te Burrelit. Dy persona te armatosur i zune rrugen furgonit te linjes Selishte-Tirane oret e para te dites se djeshme duke grabitur te pakten 10 pasagjere qe udhetonin nga rrethi i Matit per ne kryeqytet. Nga sulmi kane shpetuar 3 gra, te cilat deshmuan se maskat u bene shenje te menjanoheshin, por nuk shpetuan burrat, te moshuarit dhe te rinjte. Demi material kane qene nje sasi te hollash qe kishin me vete, rreth 100 mije leke dhe telefonat celulare. Njoftimi i policise vendore eshte bere vetem fale nje mjeti qe kalonte ne ato momente, rreth ores 11:00, pasi te demtuarit nuk kishin aparate celularesh. Grabitesit jane zhdukur ne zonen e pyllezuar prane rruges ne Vig te Matit, pothuajse i njejti vend me sulmin e ndodhur ndaj 8 pasagjereve me shume se nje muaj me pare ne kete aks rrugor, kur tre persona grabiten udhetaret e linjes Selishte-Tirane. Deri dje ne mbremje nuk ka pasur asnje te ndaluar, kurse policia dyshon se autoret jane te njejte me grabitjen e pare.
Ne deshmite e dhena ne komisariatin e Burrelit, pasagjeret e grabitur deshmuan se kane perjetuar minuta terrori dhe per fat te mire nuk rane preh e dhunes, por vetem e plackitjes se dy personave qe mbanin ne koke maska te zeza. "Ishin te armatosur dhe dolen para ne rruge, prane fshatit Vig. Shoferi ndaloi dhe na zbriten nga makina furgon. Neve grave na menjanuan duke na bere shenje", tha nje vajze nga Selishta qe udhetonte ne Tirane. Burrat kane deshmuar per grupin hetimor se kane humbur te gjitha te hollat qe mbanin ne xhepa, nje pjese te te cilave i kishin nxjerre vete dhe pjesen tjeter ua kishin gjetur grabitesit. Nje prej tyre ruante pasagjeret dhe shoferin qe mbanin duart pas koke, kurse tjetri i kontrollonte.
Burime policore thane se moren karakteristikat e autoreve qe perafrohen me ato te grabitjes se pare. Pas sulmit autoret ishin zhdukur ne zonen e pyllezuar per te humbur gjurmet. Terreni sipas policise eshte i veshtire, por besohet se grabitesit jane banore te zones perreth. Jane ushtruar dhjetera kontrolle banesash, por pa asnje rezultat. Grupi hetimor ka disa emra te dyshuarish dhe pritet qe verifikimet te zbulojne pjesemarrjen e tyre ne grabitjen e radhes. Autoret kane mundur te marrin te pakten 100 mije leke, bizhuteri dhe celulare, por nuk kane demtuar as pasagjeret dhe as mjetin me targa TR2092T qe udhetonte drejt kryeqytetit.
Precedenti, tre maska grabiten me arme furgonin
Me shume se nje muaj me pare, tre persona te maskuar, ne afersi te fshatit Vig, pothuajse i njejti vend si diten e djeshme, i kane zene rrugen furgonit te linjes Tirane-Selishte e Matit. Nen kercenimin e automatikeve, munden te grabisnin 8 pasagjeret dhe shoferin e mjetit, duke u zhdukur me pas ne zonen e pyllezuar. Policia e Burrelit tha se pas shoqerimeve te kryera dhe pyetjes te te demtuarve, munden te identifikonin tre te dyshuarit qe do te binin se shpejti ne pranga, por dje ka ndodhur edhe grabitja e radhes.