Viti i Ri me aksidente, nje i vdekur dhe 9 te plagosur

Ngricat ne rruge per pak sa nuk shkaktojne tragjedi ne aksin Librazhd-Elbasan. Gjashte persona mbeten te plagosur teksa udhetonin me nje mjet fuoristrade qe doli nga rruga kombetare mengjesin e dites se djeshme ne afersi te fshatit Babje. Makina me targa italiane BC860J, pasi u perplas me nje bordure, ka dale nga rruga, ku si pasoje kane mbetur te plagosur Naze, Sokrat e Ylvi S., si dhe Diana E., Olgerta L., e Ylli B. Te plagosurit jane derguar menjehere ne spitalin rajonal te Elbasanit, ku mesohet se nje prej grave ndodhet ne gjendje me te rende shendetesore. Shkak sipas policise mendohen te kene qene ngricat ne rruge dhe shpejtesia me te cilen udhetonte automjeti. Por, viti 2010 ka nisur ne menyren me tragjike per nje 50-vjecar nga Malesia e Madhe e Shkodres. Rreth ores 18:15 te dates 1 janar, Zef Percetaj, banues ne fshatin Aliaj, gjeti vdekjen teksa drejtonte nje motociklete tip "Shanton", me targe MA069A, pasi u godit nga nje makine tip "Benz" me targa MA1362B, e drejtuar nga Petrit Zeka, 33-vjec, banues ne fshatin Kalldrum. Ngjarja ndodhi ne aksin rrugor Koplik-Bajze. Drejtuesi i motocikletes u dergua ne gjendje te rende ne spital, por pas 5 oresh humbi jeten si pasoje e plageve te renda ne trup, kurse drejtuesi i mjetit u arrestua nga policia. Edhe dy ditet e fundit te vitit 2009 jane shoqeruar me aksidente ne rruge. Me 30 dhjetor, policia e Durresit procedoi E. K., 20 vjec, pasi me makinen e tij "Benz", ne Shkozet, eshte perplasur me mjetin tip "Fiat Panda", duke plagosur udhetaren K. S., 39 vjece, qe gjendej ne makine me bashkeshortin e saj. Po ne aksin Kavaje-Durres, perplasja e dy mjeteve ka shkaktuar plagosjen e dy drejtuesve, por pa pasoje per jeten.