Master part-time, kriteret per te aplikuar ne Ekonomik Luljeta Ndoka

Fakulteti i Ekonomise ka celur regjistrimet per master profesional, me kohe te pjesshme. Dekanati i ketij fakulteti ka publikuar te gjitha kriteret, afat dhe llojet e programeve te studimit ku mund te regjistroheni per aplikim. Kesisoj, te gjithe diplomantet e interesuar do te mund te aplikojne deri me 17 shkurt, pra kane edhe 11 dite afat. Nderkaq, behet me dije se ata duhet te pergatisin nje sere dokumentesh. Behet fjale per formen e aplikimit qe mund te shkarkohet nga faqja ne internet e ketij fakulteti, fotokopjen e noterizuar e diplomes se studimeve universitare, listen e notave qe aplikanti ka fituar gjate studimeve universitare, dy fotografi, si dhe mandat-pagesen prej 2500 lekesh te Posta Shqiptare. Por cilat jane fushat e studimit ku te interesuarit mund te aplikojne? Mesohet se Fakulteti i Ekonomise i Universitetit te Tiranes per vitin akademik 2011 - 2012 ofron studime te ciklit te dyte ne master profesional ne administrim biznes (MPAB prane Departamentit te Menaxhimit), ne administrim publik, ne marketing, ne menaxhim turizmi, ne finance, ne kontabilitet, si dhe ne studime ekonomike evropiane. Sa u perket kategorive qe mund te aplikojne, behet me dije se nje gje te tille mund ta realizojne te gjithe studentet qe kane mbaruar studimet universitare ne Fakultetin e Ekonomise ne UT qe kane nje diplome Bachelor (ose diplome te nivelit me te larte). Gjithashtu, mund te aplikojne edhe studentet qe kane nje diplome universitare ne fakultetet e tjera ekonomike, si dhe ne deget matematike, fizike, informatike dhe inxhinieri, te marra nga institucione te arsimit te larte publike ose jopublike, vendase ose te huaja, pasi te jete bere njohja e tyre sipas rregullores se fakultetit. Per MPAB, MPAP, MPMR, MPMaT gezojne te drejten e aplikimit: Te gjithe studentet qe kane mbaruar studimet universitare ne FE, UT qe kane nje diplome Bachelor (ose te niveli me te larte studimi), ata qe kane nje diplome universitare ne administrim biznes, ne gazetari, shkenca sociale, shkenca politike, drejtesi, mjekesi, gjuhe te huaja, inxhinieri dhe agrobiznes ne fakultete te tjera publike dhe jopublike, vendase ose te huaja, pasi te jete bere njohja e tyre sipas rregullores se fakultetit. Per MPF, MPK mund te aplikojne: Pa plotesim, te gjithe studentet qe kane mbaruar studimet universitare ne FE, UT qe kane nje diplome Bachelor (ose te niveli me te larte studimi) ne finance - kontabilitet, administrim biznes. Me plotesim, te gjithe studentet qe kane nje diplome universitare ne informatike - ekonomike, ekonomiks, fakultetet e tjera ekonomike, te marra nga institucione te arsimit te larte publike ose jopublike, vendase ose te huaja, pasi te jete bere njohja e tyre sipas rregullores se fakultetit.

Dokumentet:

Forma e aplikimit

Fotokopje e noterizuar e diplomes se studimeve universitare

Lista e notave qe ka fituar gjate studimeve universitare

2 (dy) fotografi

Mandat-pagesa prej 2500 lekesh te Posta Shqiptare

Si do te behet perzgjedhja e kandidateve

Sipas burimeve nga dekanati i fakultetit te ekonomise, perzgjedhja e kandidateve per studimet master ne Fakultetin e Ekonomise te Universitetit te Tiranes, do te behet duke pasur ne konsiderate: kuotat e miratuara nga Keshilli Ministrave, merita, llojin e diplomes dhe mesataren e pergjithshme. Perzgjedhja e aplikanteve do te behet nga bordi i studimeve master te fakultetit, qe perbehet nga: dekani, zv.dekanet dhe shefat e departamenteve.