Berisha: Modeli yne ekonomik bazohet ne standarde liberale Eva Gjura

"Modeli ekonomik i Shqiperise do te vazhdoje te bazohet ne standarde liberale, te cilat zgjerojne hapesiren e iniciatives se lire dhe nxisin bizneset", ky ka qene mesazhi qe ka percjelle kryeministri Berisha nga Mynihu, ku ka marre pjese ne Konferencen e 48-te te Sigurise. Ne perfundim te vizites se tij, kryeministri ka deklaruar se ne konference u diskutua per menyren e daljes nga kriza ekonomike, ku u kerkua qe te ndryshohen qendrimet e deritanishme per daljen prej saj, por masat e ashpersise dhe paketa e tyre duhet detyrimisht, te mos cenojne rritjen ekonomike. Kryeministri ka nenvizuar faktin se ne kete takim eshte spikatur modeli i ekonomise ne Shqiperi, model i cili eshte bazuar kryekeput, para se gjithash, ne nxitjen e rritjes ekonomike, per rrjedhoje, ne nxitjen e punesimit, rritjen e te ardhurave. "Shqiperia ne kater vjetet e fundit te marra se bashku, ka pasur nje rritje ekonomike prej 18 per qind, rritje ne distance me te larten ne Evrope. Ky model ka nevoje te persoset me tej. Natyrisht, jo me masa qe godasin ne palce rritjen dhe biznesin, jo me masa te cilat nepermjet rritjes se taksave shkaterrojne qindra dhe mijera vende pune, por me standarde te tjera liberale, te cilat zgjerojne hapesiren e iniciatives se lire dhe nxisin bizneset", eshte shprehur Berisha. "Ne kete kontekst,- tha Berisha- analizohen dy modele: nje model i bazuar ne nje fature shume te madhe sociale dhe taksa te larta, i cili perjeton veshtiresi serioze dhe nje model tjeter i bazuar ne nxitjen e rritjes ekonomike, i cili i qendroi krizes dhe nuk njohu recesionin". Sipas kreut te qeverise, duke u bazuar ne keto dy modele, mesimi qe nxirret eshte qe te bejme gjithcka per te nxitur rritjen ekonomike, per te shfrytezuar te gjitha potencialet qe kemi ne vend per ta nxitur ate, per te zgjeruar hapesiren, per te vazhduar perpjekjet per nje zhvillim jeshil te vazhdueshem te Shqiperise. Duke informuar rreth diskutimeve ne konferencen e Mynihut, kryeministri Berisha tha se parashikimet per daljen e eurozones nga kriza nuk ishin dhe aq optimiste. "Besohet se kjo do te jete nje krize nga e cila do te duhen jo pak vjet per te dale, por e rendesishme eshte se per here te pare, ne kete konference nderkombetare qe u diskutua per krizen, u kerkua qe te ndryshohen qendrimet e deritanishme per daljen prej saj", tha Berisha. Gjithashtu, sipas kryeministrit, ne konference eshte diskutuar edhe per borxhin dhe krizen greke. "U shpreh mendimi se serish veshtiresite e medha nuk jane kapercyer. Dhe nuk mund te thuhet se masat ose vendimet e deritanishme te Keshillit te Ministrave te Bashkimit Evropian jane te mjaftueshme per te shpetuar Euron, si monedhe e perbashket e eurozones", u shpreh kryeministri.