Matura, gjimnazistet "deshtuan" ne parateste
Ndonese nuk jane zhvilluar ne ate mase qe priteshin, neper shkolla eshte zhvilluar te pakten nje paratest, i parashikuar ne programin vjetor per Maturen Shteterore. Keshtu, te zhvilluara per lende te ndryshme, paratestet kane "filtruar" paraprakisht nivelin e nxenesve. Te zhvilluara para pak kohesh, paratestet qe jane pergatitur per maturantet, kane zbuluar dukshem mangesite e tyre. Keshtu, ajo qe eshte me kryesorja, eshte fakti se pergjithesisht maturantet jane vleresuar me 2 nota me poshte sesa ajo qe mbanin gjate gjithe vitit. Te ndodhur para kesaj gjendjeje, mesuesit jane perpjekur te gjejne shkaqet e atyre rezultateve teper te dobeta. Pike se pari, ata kane nxjerre konkluzionin se maturantet kane mesuar permendesh, si dhe u kane qendruar besnike programeve orientuese, pa u thelluar logjikisht ne lende. "Ne testin e letersise, ku ne kishim dhene nje fragment te Martin Camajt, por jo ate qe eshte percaktuar ne programin orientues, vume re se nxenesit nuk i ishin pergjigjur me pretendimin se kjo pjese nuk eshte e perfshire ne program dhe ne nuk e kemi mesuar. E njejta gje u vu re edhe ne testin e Matematikes", jane shprehur disa mesues te gjimnazeve te kryeqytetit. Ata duken teper te pakenaqur me nivelin e maturanteve dhe u kane bere thirrje atyre qe ta absorbojne te gjithe lenden, per shkak se nuk i dihet se c'pyetje do t'u bien ne provimet e Matures Shteterore. Ata nuk i kane sugjeruar atyre te heqin dore nga programet orientuese, por te pakten te mos u qendrojne aq fanatike, sepse nuk ka mundesi qe ne testet e Matures 2008 te bien te njejtat pyetje si ato ne programet orientuese. Megjithate, drejtuesit e shkollave e shpjegojne nivelin e dobet te maturanteve te tyre edhe me faktin se ne testet me shkrim vihet re gjithmone nje tendence per te dale me dobet. Para pak kohesh, Ministria e Arsimit dhe e Shkences pati premtuar se ne gjimnaze do te beheshin nje sere paratestesh, ne menyre qe maturantet te "sterviteshin" me testet e Matures dhe te mos gjendeshin te papergatitur me 10 qershor kur do te jete provimi8 i pare, apo edhe ne provimet e tjera. Megjithate, nje tjeter problem parashikohet te jete edhe fiktiviteti ne nota. Edhe gjate viteve te kaluar, provimet e Matures Shteterore kane konkluduar se nxenesit ishin me dobet sesa paraqiteshin gjate viteve te shkolles se mesme nepermjet notave qe ata merrnin.