Maturantet jashte, nis ekuivalentimi i notave

Ka nisur tashme procesi i perllogaritjes se notave te provimeve te detyruara, per te gjithe maturantet qe e kane kryer shkollen e mesme jashte vendit tone. Burime nga Ministria e Arsimit, bejne me dije se komisioni i posacem i ngritur per ekuivalentimin e diplomave, po punon per te nxjerre rezultatet, per te gjitha ata kandidate, qe duan te vijojne ne Shqiperi universitetin. Me perfundimin e ketij procesi, ky komision pritet qe shume shpejt te publikoje notat perkatese, te lendeve te detyruara te konvertuara sipas sistemit tone arsimor. Nga sa percakton rregullorja e Matures Shteterore, keto rezultate duhet t'u shperndahen drejtorive arsimore te cdo rrethi, ku maturanti ka vendbanimin. Komisionet e matures, te ngritura prane drejtorive arsimore, pas marrjes se ketyre rezultateve, duhet te caktojne shkollen ku kandidati do te paraqitet per dhenien e provimeve me zgjedhje, si dhe do te plotesoje formularet A-1 dhe A-2. Gjithashtu, ketij komisioni do t'i dergohen edhe notat qe jane ekuivalentuar per provimet e detyruara, te cilat jane dhene nga maturanti kur ka mbaruar arsimin e mesem. Komisioni i matures duhet te dorezoje zyrtarisht ne Agjencine e Vleresimit te Arritjeve te Nxenesve, formularet A-1 te plotesuar nga shtetasit, brenda dates 5 maj 2009. Me tej keta kandidate do te hyjne ne garen e perzgjedhjes se preferencave. Formularet A-2, plotesohen nga shtetasit brenda dates 30 qershor 2009 dhe dorezohen ne komisionin shkollor te Matures Shteterore.