Mazhoranca: Ne ia dolem, perballuam permbytjen e rende

Rozeta Rapushi
Qeveria do te demshperbleje per banoret e prekur nga permbytjet ne Shkoder dhe komunat e saj, jo vetem demet e shkaktuara ne shtepite, por edhe orendite e demtuara, mallin qe kane pasur dhe te gjitha demtimet e tjera, ku perfshihet gjeja e gjalle. Nderkohe qe situata e emergjences, vleresohet si e kapercyer me sukses te plote nga kabineti qeveritar, i cili nuk ngurroi te shprehet se "ne ia dolem". Sqarimi u be dje ne seancen e jashtezakonshme plenare, e para per kete sesion, nga kryeministri Sali Berisha. Sipas tij, pas evakuimit dhe sigurimit te jeteve te banoreve, tashme evakuimi i ujit eshte detyra paresore, pasi qindra shtepi jane ende nen uje ne Velipoje e Bushat. Me pas eshte sigurimi i bazes ushqimore per blegtorine dhe demshperblimi i plote nga qeveria per te gjitha demet e shkaktuara, ne perputhje me ligjin e digave. "Qeveria disponon te gjitha fondet dhe mjetet per zhdemtimin e ndershem te banoreve te prekur nga permbytjet. Jo vetem te demeve te krijuara ne shtepi, por edhe orendite, mallin qe kane pasur por dhe demtimet e tjera. Do te kete transparence te plote, ne perllogaritje dhe disbursim", siguroi Kryeministri. Ndersa Kryetarja e Kuvendit, Jozefina Topalli, tha se kur banesat te dalin nga uji, ato do te behen shume me te bukura sec ishin me pare. "Ne jo vetem qe do t'i demshperblejme, por do ti bejme shtepite me te larta dhe me te bukura", premtoi Topalli. E cila ka kembengulur se ka qene hera e pare qe Shkodra eshte ndihmuar nga qeveria per permbytjen. Sigurine per demshperblimin e plote te banoreve te prekur, e dha edhe kryetari i Komisionit te Ekonomise, Edmond Spaho. Sipas tij, sa do qe te jete fatura financiare per demshperblimin e banoreve te zonave te permbytura, qeveria do ti kompensoje deri ne qindarken e fundit. Optimist Ministri i Energjetikes, Dritan Prifti tha se qeveria ja doli te perballoje nje situate te tille emergjence, ku fenomenet natyrore shkaktuan permbytje. "Ne ia dolem. Megjithese kemi ende pune per te rikthyer zonat e prekura nga permbytjet ne normalitet, ja dolem. Tashme kemi normalizimin e zonave dhe demshperblimin e familjeve te prekura", theksoi Prifti. Shqetesimi kryesor i ministrave anetare te komitetit te emergjences, duke filluar nga ministri Basha, Ruli por dhe ministra te tjera, tashme eshte ushqimi i gjese se gjalle dhe rehabilitimi i zones. Procese qe do te kurorezohen me pas me demshperblimin e te gjithe te prekurve nga permbytjet ne zonat veriore te vendit.

10
Minuta
Eshte intervali kohor i bisedave telefonike mes kryeministrit Sali Berisha dhe ministrit te Energjetikes, Dritan Prifti. Sipas ketij te fundit, nga nisja e permbytjeve e deri me sot, ka folur dite nate cdo 10 minuta me kreun e qeverise, per situaten.