Berisha: Opozita spekuloi me permbytjen, e turpshme
Mafioze, antishqiptare dhe specie te rrezikshme politike. Keshtu u etiketuan dje deputetet e Partise Socialiste dhe ne menyre te vecante kreu i tyre, Edi Rama, gjate diskutimeve te gjata ne seancen e jashtezakonshme plenare, e mbledhur per permbytjet ne Shkoder. Teper te ashper, kritike dhe ne jo pak raste fyes, deputetet demokrate sulmuan mbreme opoziten, deputetet e se ciles ishin te vetmit qe sipas mazhorances, jane lutur per viktima ne zonat e permbytura, ne menyre qe te flisnin dhe te kerkonin rrezimin e qeverise. "Ndonje ze i thate qe klith sot, shpreh se nuk ka viktima. Qan me lot nga brenda se kjo nuk ndodhi. Nuk kam si t'i kuptoj ndryshe keto qendrime te opozites. Bejne edhe budallain. Per dite te tera iu thane shqiptareve, se digat u mbajten te mbushura sepse Berisha donte te shiste energji me cmim me te shtrenjte",-tha kryeministri Sali Berisha. Me kritike deputetja e Shkodres, Arenca Trashani, i quajti socialistet antishqiptare, kur perhapen panikun per carje te digave. "I them ketij grupi mafiozesh, se e humben shansin e tyre qe kur iu thane banoreve te mos levizin nga zonat, apo kur hapen llogari bankare vetem e vetem per te perfituar per vete", akuzoi Troshani. Demokrati Edmond Spaho, i quajti socialistet dhe kreun Edi Rama, si specie te rrezikshme qe per interesat e tyre personale jane te gatshem te bejne cdo gje. Nderkohe qe ministrat Genc Ruli dhe Dritan Prifti, thane dje nga foltorja e Kuvendit, se socialistet, me Edi Ramen ne krye, mashtruan ne cdo akuze e deklarate, manipuluan te verteten per situaten e permbytjeve, me qellimin e vetem per te manipuluar opinionin publik. "Opozita po e fsheh te verteten dhe mashtron ne mbledhjet false me materiale publike, qe nuk jane aspak te verteta. E verteta e vetme eshte se opozita jone eshte pakenaqur se nuk pati viktima nga permbytjet ne Shkoder", reagoi Prifti. Deputeti Edi Paloka, duke akuzuar se opozita eshte bere keq, vetem per faktin se nuk pati viktima, tha se "cunat e Bllokut" mashtruan dhe bene cfare eshte e mundur per te mos dale e verteta ne shesh, por duke fajesuar me kot qeverine per nje fatkeqesi natyrore. Nderkohe qe kryeministri Sali Berisha i tha nga Kuvendi, Rames qe t'i vije turp qe akuzon se permbytjet erdhen, pasi qeveria dhe KESH shisnin energjine elektrike. "Eshte e turpshme, se po te ishte per te shitur energjine, qeveria ime dhe KESH e benin kete qe ne tetor apo nentor. Po kaskada ka nje rregullore dhe parashikon shkarkimet e teperta. Autoritetet e zbatuan pike per pike rregulloren. Per asnje rast nuk ka pasur rrezik per asnje sekonde, per digat, portat e tunelet. Nuk kishte asnje kercenim nga digat, perkundrazi ato jane nje mbrojtje ndaj vershimeve te Drinit", sqaroi kryeministri.