Mazhoranca braktis Komisionin e Ekonomise
TIRAN - Deputetet e mazhorances kane braktisur dje Kuvendin gjate mbledhjes se Komisionit te Ekonomise pas debateve me koleget e tyre socialiste. Teksa ishim mesuar qe opozita te largohej nga komisionet sa here qe kerkesat e saj rrezoheshin ne menyre arbitrare dje mazhoranca doli nga salla e Kuvendit duke lene aty vetem deputetet e majte. Kjo sepse mungesa e disa deputeteve te djathte kishte bere qe PD te ishte ne minorance ne komision.
Ne rend te dites se Komisionit Parlamentar te Ekonomise ishte miratimi i dy marreveshjeve ekonomike te shtetit shqiptar me dy vende te tjera. Pas diskutimit per marreveshjet ka qene nenkryetarja e Komisionit Mimi Kodheli e cila ka paraqitur nje kerkese zyrtare per te thirrur per sqarime ne lidhje me rritjen e madhe te cmimeve te ushqimeve perfaqesues te institucioneve pergjegjese si Ministria e Ekonomise Ministria e Financave si dhe nga Autoriteti i Konkurrences. Kjo kerkese ka qene edhe pikenisja e debateve.
Nga ana e tij kreu i Komisionit Edmond Spaho u shpreh se paraqitja e kesaj kerkese nuk ka qene e parashikuar ne rendin e dites nderkohe qe deputetet socialiste kane kembengulur ne te tyren duke iu referuar edhe rregullores se Kuvendit. Ne kete moment Spaho deklaroi mbledhjen te mbyllur ndersa te gjithe deputetet e mazhorances dolen mes debatesh jashte duke lene ne salle vetem ata te PS-se te cilet si per cudi dje ishin me te shumte ne numer se kundershtaret e tyre.
Deputete te mazhorances anetare te Komisionit shpjeguan se kerkesa e socialisteve eshte bere jashte cdo rregulli duke mos qene ne rend te dites. Per pasoje sipas tyre kreu i Komisionit ka mbyllur normalisht seancen pas miratimit te dy marreveshjeve qe ishin ne rend te dites.
Pas daljes se demokrateve jashte salles Kodheli lexoi kerkesen e opozites. Cilat jane masat e qeverise ne kete rast veprimet qe ajo ka ndermend te marre per shkak te kesaj rritje galopante. Te thirret ministri i Financave qe te jape shpjegime mbi vendosjen e Tatimit mbi Vleren e Shtuar mbi ilacet - tha ajo.
Te majtet u shprehen se kerkesa eshte dorezuar qe ne mengjes prane Komisionit per thirrjen e autoriteteve ne fjale dhe kjo gje eshte e parashikuar edhe ne rregullore. Madje sipas tyre nuk behej fjale qe te thirrurit prane Komisionit te paraqiteshin medoemos brenda dites se djeshme por ne kohen me te afert te mundshme.