Ndryshimi i rregullores sot seance maratone
Konferenca e Kryetareve mes debateve te shumta miratoi kohen per debat per ndryshimet Kushtetuese. Mesohet se koha ne total per diskutimet per ndryshimet ne rregullore do te jete rreth 5 ore ku 2 ore e 30 minuta do te kete ne dispozicion secila prej dy forcave politike. Ky afat kohor eshte propozuar nga kreu i grupit parlamentar Socialist Gramoz Ruci por qe nuk ka gjetur fillimisht konsensusin e mazhorances. Perfaqesuesit e majte e cilesuan tentativen e kryeparlamentares per te mos dhene kohen e kerkuar si dhunim te fjales se opozites e drejte e cila sipas tyre eshte e sanksionuar edhe nga Kushtetuta.
Por pika me e nxehte e debatit ka qene koha e diskutimit te kreut te grupit parlamentar ne seance plenare. Kryeparlamentarja ka propozuar qe kryetari i grupit te kete nje minutazh te barabarte me ate te deputeteve te tjere duke shkurtuar ne kete menyre edhe kohen e vene ne dispozicion te partive politike.
Kjo pike ka nxehur situaten. Ne shenje kundershtimi per sjelljen e kryeparlamentares dhe te vendimit te mazhorances per te mos i dhene opozites kohen e kerkuar socialistet braktisen mbledhjen duke lene te vetem demokratet te vazhdonin me pikat e tjera.
Mos guxoni te kaloni kohen - mesohet tu kete thene kryeparlamentarja Jozefina Topalli perfaqesuesve te majte ne momentin kur keta jane ngritur per tu larguar. Ne fund Konferenca e Kryetareve miratoi edhe kalendarin trejavor te punimeve te Kuvendit.