Mbahen takimet e Gjeçovit

Me këtë rast do të përurohet qendra përkujtimore “Atë Shtjefën Gjeçov”, ndërsa manifestimi në fjalë nis me një meshë kushtuar Atë Shtjefën Gjeçovit.

Po ashtu do të mbahet Ora letrare e Anton Pashkut, ku poezitë e tyre do t’i lexojnë 15 poetë.

Në këtë manifestim do të ndahen edhe çmimet “Unaza e Katarina Josipit”, “Pena e Anton Pashkut”, “Pena e Pjestër Bogdanit” dhe “Pena e Shtjefën Gjeçovit”, ndërsa aktivitetet do të përmbyllen me një program kulturor-artistik.

Ndër veprat më të rëndësishme të Atë Shjefen Gjeçovit që kanë lënë gjurmë në letërsinë shqipe dhe përgjithësisht në kulturën tonë janë "Dashnia e atdheut" (1901), "Jeta e shën Luçisë" (1904), "Agimi i Gjydetnisë" (1910), "Nji argtim arkeologjik" (1902), "Sebaste s'Armeni apo në Arbëri" (1921), "Trashëgime thrrake-iliriane" (1924), etj.