Mberrin sot ne Tirane Drejtori i Pergjithshem i Zgjerimit ne Komisionin Evropian Stefano Sannino
Ne Tirane pritet te mberrije sot Drejtori i Pergjithshem i Zgjerimit ne Komisionin Evropian Stefano Sannino ne nje perpjekje te re per ti dhene nje shtyse te fundit bisedimeve qe po zhvillohen mes shumices se drejtuar nga kryeministri Sali Berisha dhe opozites socialiste te udhehequr nga zoti Edi Rama per realizimin e disa reformave te rendesishme te kerkuara nga Brukseli. Burime diplomatike i thane Zerit te Amerikes se perfaqesuesi i larte i Komisionit Evropian do te qendroje ne kryeqytet deri neser e do te kete takime me te dyja palet.
Shumica dhe opozita kane rene dakort ne parim per ngritjen e dy komisioneve te posacme parlamentare i pari qe lidhet me reformen zgjedhore dhe i dyti qe ka te beje me nje kerkese te opozites per ndryshime ne rregulloren e parlamentit ndonese kjo nuk eshte bere ende publike persa kohe mbetet ende pezull ceshtja qe ka te beje me ligjet te cilat kerkojne nje votim me tre te pestat ne parlament pra dhe mbeshtetjen e opozites.
Kjo ceshtje ne fakt keto dite eshte permendur shume nga te dy krahet. Kryetari socialist Edi Rama deklaroi te henen se grupi i tij parlamentar do te paraqese nje axhende te detajuar per miratimin e ketyre ligjeve. Nga ana e saj shumica ka ushtruar trysni te vazhdueshme publike duke i kujtuar opozites se ajo bllokoi procesin e integrimit per shkak te refuzimit per te votuar keto ligje e duke shtuar se sipas saj opozita nuk ka dhene asnje argument ligjor se perse i kundershton.
Por socialistet kane perseritur disa here se sipas tyre keto ligje kane mangesi ne perputhjen me standartet e kerkuara nga Brukseli. Mosmarreveshja per te gjetur nje zgjidhje per afatet brenda se cilave duhet te miratohen ne parlament reflekton edhe mosbesimin e thelle qe ekziston mes paleve. E ndoshta nderhyrja e Drejtorit te Pergjithshem Stefano Sannino mund te sherbeje per te vene ekuilibrin e nevojshem. Vizita e tij ne Tirane e 20 diteve me pare pershpejtoi procesin e diskutimeve mes shumices dhe opozites duke bere qe te kapercehej ngerci lidhur me reformen zgjedhore dhe ate per rregulloren e parlamentit.