Mbetjet dhe KLSH, Kuvendi rrëzon dy herë Presidentin

73 vota të mazhorancës kanë rrëzuar dekretin e Presidentit për rishikimin e ligjit për menaxhimin e integruar të mbetjeve, ndërsa pro këtij dekreti votuan 59 deputetë të opozitës. Pas më shumë se 8 orë debate mes mazhorancës dhe opozitës për këtë ligj, mbetet në fuqi ligji i miratuar pak javë më parë në parlament.

Me herët gjatë punimeve të seancës plenare kryemisnitri Sali berisha tha se opozita nuk ka alternativa për t`i paraqitur shqiptarëve por e vetmja rrugë e tyre është krijimi i "partisë së plehut" e cila sipas tij po hedh themelet e saj në punimet parlamentare.

Në emër të opozitës kryetari i grupit parlamentar i PS-së Gramoz Ruçi është shprehur kundër ligjit për importin e mbetjeve dhe ka kërkuar referendum për t`i lënë shqiptarët të vendosin.

Opozita përmes më shumë se 30 deputetëve e ka kundërhstaur kalimin e këtij ligji i cili sipas tyre mund të kthehet në një projekt për importin e plehrave nga vendet e bashkimit europian ndërsa vendi ynë nuk i ka kapacitetet për të kontrolluar mbetjet nëse do të jenë të rrezikshme apo jo.

Nga ana tjetër mazhoranca përmes ministrave përkatës dhe deputetëve të saj ka hedhur poshtë mundësinë për importin e mbetjeve të rrezikshme.Deputetët e mazhorancës thanë se aktualisht Shqipëria importon vetëm 55 lloje mbetjesh nga më shumë se 400 lloje që importonte më parë.

Në vazhdim Parlamenti ka votuar për kreun e KLSH dhe ashtu siç edhe pritej deputetët e mazhorancës kanë votuar kundër propozimit të kreut të shtetit për emërimin në postin e kryetarit të kontrollit të lartë të shtetit për ish deputetin demokrat Sali Shehu. Për propozimin kreut të shetit kanë votuar 75 deputetë kundër 1 pro,  ndërsa opozita nuk votoi. 

Po ashtu gjatë punimeve parlamentare Kuvendi ka miratuar edhe emrat që do të jenë anëtar të Këshillit Mbikëqyrës të Bankës së Shqipërisë.