Mbillen 200 peme ne Unaze

Bashkia e Tiranes ka mbjelle 200 peme rrapi pergjate pjeses se rikonstruktuar te unazes se kryeqytetit. Ka qene vete kryebashkiaku Rama, i cili ka vazhduar mbjelljen e ketyre pemeve nga "Zogu i Zi" deri te Stacioni i Trenit. Muaji dhjetor eshte muaji i pyllezimit, ndaj Rama ka premtuar se do te shtoje siperfaqet e gjelbra per kryeqytetin. "Kjo eshte nje periudhe e vitit kur ne te gjithe atdheun tone duhet te zhvilloheshin mbjellje intensive, pasi mjedisi eshte dhurata me e cmuar qe kemi nga natyra dhe eshte e patolerueshme qe kete dhurate bujare ne ta shperdorojme", eshte shprehur kryebashkiaku Rama. Sipas tij, bashkia e kryeqytetit do te beje gjithcka per te rritur disa here permasat e gjelbra. "Ju premtoj se, permasa e gjelber e kryeqytetit te shkoje duke u rritur edhe pse une jam i bindur se neser, me nje politike te re kombetare, ne do i transformojme qytetet tona ne qytete te gjelbra", ka pohuar Rama. Bashkia e Tiranes e ka kthyer ne tradite tashme mbjelljen e pemeve pas rikonstruksionit te rrugeve. Keshtu e para rruge qe eshte mbjelle ne kryeqytet ka qene "Rruga e Kavajes" ku per here te pare u perdoren kumbullat e kuqe.