Mblidhet Këshilli Kombëtar i Rregullimit të Territorit

Në mbledhjen e sotme pritet të merren një sërë projektesh që lidhen me prodhimin e energjisë, në fushën e turizmit, etj. Axhenda e ditës së sotme përmban 14 pika, dhe ndër të tjera do të shqyrtojë masterplanin e centraleve me erë për prodhimin e energjisë. Këto centrale parashikohet të ngrihen në komunat Vreshtas, Ceravë dhe Qendër Bilisht, të qarkut të Korçës.

Gjithashtu, pritet të shqyrtohet edhe masterplani për një park eolik për prodhimin e energjisë me erë në qarkun e Tiranës.

Gjithashtu, në axhendën e KKRT-së është edhe miratimi I disa projekteve që lidhen me investime në fushën e turizmit.