Mbreti i Butanit martohet me një vajzë të thjeshtë
Mbreti 31 vjeçar i Butanit, një vend në Himalaja, është martuar me një vajzë të thjeshtë, pa prejardhje nga ndonjë familje fisnike.
Jigme Kesar Mangiel Uangçuk zbriti nga froni i tij dhe vendosi një kurorë mbi kokën e studentes 20 vjeçare, Jetsun Pema, raporton BBC.
Uangçuk nderohet gjerësisht në vendin me rreth 700 mijë banorë.
Nuk pati vizita nga krerë shtetesh dhe personazhe të njohur. Ngjarja u transmetua live në televizionin kobtar. Tema e kësaj dasme ishte për ta mbajtur dasmën një çështje të thjeshtë familjare, kjo është familja butaneze, tha sekretari i informacionit.
Nga marsi i vitit 2008, Butani u bë monarki kushtetuese dhe mbreti hoqi dorë nga pushteti absolut.
Në një biografi thuhet se mbretëresha e re interesohet për artet e bukura, pikturën dhe basketbollin.