Mbyllen aplikimet për drejtor të RTSH-së, 13 kandidatë në garë

TIRANË, 15 prill/ATSH/ Aplikimet për drejtorin e ri të Radio Televizionit Shqiptar u mbyllën sot, sipas vendimit të marrë në mbledhjen e datës 1 prill të Këshillit Drejtues të këtij institucioni.

Sipas medieve, 13 janë kandidatura që synojnë drejtimin e RTSH-së, ku mes emrave spikasin figura të njohura të ekranit dhe medias.

Në mbledhjen më të fundit, Këshilli Drejtues i RTSH, vendosi të rihapë garën me procedurat që rinisin nga e para, duke rrëzuar procedurën e hapur më 6 janar për zgjedhjen e Drejtorit të Përgjithshëm të Radio Televizionit Shqiptar. Kjo procedurë u pezullua më 30 janar pas kërkesës së Komisionit Parlamentar të Medias.

Aplikantët për Drejtorin e RTSH-së:

Gëzim Nazif Xhaxhaj

Flamur Buçpapaj

Kliton Rama

Zoje Jakaj (Marashi)

Jetmir Shpuxa

Laureta Roshi

Ermal Hoxha

Eni Vasili

Harrila Koçi

Engjëllush Musai

Mimoza Haxhiaj

Elton Metaj

Enrik Mehmeti

/k.s/