Mbyllet dëgjesa publike për 12 kandidatët për Av. të Popullit

Kandidatët një e nga një kanë bërë të ditur qëllimet e tyre për drejtimin e këtij institucioni.

Ata u zgjodhën paraprakisht nga një komision Ad-Hoc, të ngritur nga Partia Socialiste, ku në aplikimin online morën pjesë 33 kandidatë.

“Para nisjes së seancës është bërë edhe hedhja e shortit mes kandidateve, sa i takon radhës që do të shpalosin platformën”, tha gjatë ditës deputetja e Partisë Socialiste, Englantina Gjermeni, e cila drejton nisëm e opozitës për këtë qëllim. 

Shpallja e emrave të përzgjedhur do të bëhet në përfundim të mbledhjes së Komisionit Përzgjedhës të enjten mbrëma nëpërmjet faqes online të këtij konkursi. Pasditen e sotme përfundoi dëgjesa publike që e bëri me dije kreu i PS-së Edi Rama.  “Mbaroi dëgjesa publike. Shumica e kandidateve ishin shumë të përgatitur. Komisioni ka punë të vështirë për zgjedhjen më të mirë”, shkruan Rama në Twitter.

Kandidatët për Avokatin e Popullit
1.     Artur             Lazebeu
2.     Besnik         Dervishi
3.     Bilal             Kola
4.     Blerta         Kraja
5.     Dëshira         Subashi
6.     Elisabeta         Imeraj
7.     Ermir             Dobjani
8.     Ksenofon         Krisafi
9.     Igli             Totozani
10.     Përparim         Kabo
11.     Qirjako         Qirko
12.     Sokol             Hazizaj

/Start/

                                                                                             2011-12-12 17:36