Mbyllet liceu, mesimi gjysmak

Blerim Kore
Shkolla e Mesme Artistike ne qytetin e Gjirokastres eshte mbyllur perkohesisht, si shkak i nivelit te larte te lageshtise ne ambientet e brendshme te godines, duke perfshire edhe klasat ku zhvillohet mesimi. Gjate nje kontrolli te realizuar ne muajin dhjetor te vitit 2007, Sherbimi i Higjienes ne Drejtorine e Shendetit Publik, ka konstatuar se niveli i lageshtise ne ambientet ku zhvillohet mesimi eshte i larte, cka mund te ndikoje ne gjendjen shendetesore te rreth 60 nxenesve dhe stafit pedagogjik te liceut. Kjo situate e renduar ka ardhur si shkak i mungeses se investimeve vitet e fundit ne drejtim te rikonstruksionit te catise me pllaka guri te godines. Lajmi u konfirmua dje, si nga drejtoria e shkolles ashtu edhe nga zyrtare te Shendetit Publik. Nderkohe qe, eshte vendosur qe nje pjese e lendeve te pergjithshme te programit mesimor te zhvillohen ne katin e pare te shkolles, ku nuk ka rrezikshmeri. "Mesimi do te pezullohet plotesisht per sa i perket oreve mesimore ne lidhje me programet e vecanta te piktures, skulptures, muzikes etj.", thote drejtori Kujtim Dule.
"Kjo situate nga ne u konsiderua e papranueshme dhe paralajmeruam drejtorine e shkolles se, ne qofte se gjendja nuk do te ndryshonte gjate kesaj kohe, Liceu Artistik do te mbyllte dyert qysh me daten 25 janar 2008", thane dje zyrtare te Shendetit Publik Gjirokaster per gazeten "KJ". Nderkohe per te mos demtuar procesin mesimor ne prag te mbylljes se semestrit te pare, ky vendim eshte zbatuar vetem diten e hene. Nga ana e saj Drejtoria e Liceut Artistik eshte dakord ne parim me vendimin e marre nga Shendeti Publik, pasi per stafin pedagogjik dhe drejtuesit e shkolles gjendja e godines eshte e amortizuar. "Por, me gjithe kete situate, mbyllja e liceut ne keto momente demton ndjeshem procesin mesimor", thote drejtori i shkolles, Kujtim Dule. Prej kater vitesh nderhyrjet rikonstruktuese ne catine me pllaka guri te godines kane munguar.
Zbatimi i projekteve rikonstruktuese ne kete drejtim ka qene ne qender te kerkesave te vazhdueshme te stafit pedagogjik dhe nxenesve te kesaj shkolle. Madje, keta te fundit kane bojkotuar disa here procesin mesimor ne shenje proteste per gjendjen e krijuar dhe indiferencen e treguar nga organizmat perkates. Nderkohe, drejtoria e shkolles ka vendosur qe nje pjese e lendeve te pergjithshme te programit mesimor te zhvillohen ne katin e pare te shkolles, ku nuk paraqitet rrezikshmeri dhe problematike per nxenesit dhe stafin pedagogjik te shkolles. "Mesimi do te pezullohet plotesisht per sa u perket oreve mesimore ne lidhje me programet e vecanta te piktures, skulptures, muzikes etj.", thote drejtori Dule. Por, mbyllja e perkohshme e Liceut Artistik ne Gjirokaster ka rikthyer serish replikat midis Bashkise se qytetit dhe Drejtorise Rajonale te Arsimit, ne lidhje me nderhyrjet rikonstruktuese ne godinat shkollore ne qytet.
Fajesojne njera-tjetren per investimet
Ne nje konference per shtyp, drejtori Rajonal i Arsimit, Vasil Muka, ka kerkuar nga Bashkia e Gjirokastres te zbatoje legjislacionin ne fuqi, i cili sanksionon se nderhyrjet per mirembajtjen e godinave shkollore jane detyrim ligjor i pushtetit vendor. "Ne, pohoi ai per gazetaret, kerkojme qe pushteti lokal te nderhyje per mirembajtjen e catise se godines se kesaj shkolle". Nderkohe drejtori i Qendres Ekonomike te Arsimit, Demir Kore, tha se "projektet rikonstruktuese ne godinat shkollore jane detyrim ligjor i Ministrise se Arsimit". Ai pretendoi se nga bashkia, qe prej vitit 2007 eshte paraqitur nje projekt me vlere 8,5 milione leke per rikonstruksionin e kesaj shkolle, por deri tani nuk eshte marre asnje pergjigje. Ne muajin nentor te vitit te kaluar vetem fati i shpetoi nxenesit e shkolles fillore "Bajo Topulli" ne qytetin e Gjirokastres, kur si shkak i rrezimit te catise se gurte u rrezikua jeta e tyre.