Me Regjister Kombetar te Gjendjes Civile kemi vertet nje shtet modern te ketij shekulli

Në mbledhjen e shkuar, deputeti socialist i Mallakastës së Sipërme paraqiti një propozim të Partisë së tij  për një komision ad-hoc për të ndjekur shpërndarjen e letërnjoftimeve, çka u përsërit dhe sot dhe nga deputeti tjetër i Mallakastrës së Poshtëme; Kjo tashmë është miratuar nga mazhoranca  pasi   çdo masë që ngjall besimin te ky proces,  çdo masë që përfshin në mënyrën e duhur edhe opozitën , duhet ndërmarrë.
Por ky propozim i  PS, mendoj që këtë parti e sjell në kohën  reale të çështjes së Regjistrit Kombëtar të Gjendjes Civile, të numrit  të identitetit për çdo qytetar, të  dokumenteve  personale që rrjedhin prej tij si  letërnjoftimet, pashaportat apo dokumenta të tjerë  listat  e zgjedhësve, databaza  e instuticioneve të tjera që do të koordinohen me këtë databazë qëndrore  të shtetit, që është Regjistri Kombëtar i Gjendjes Civile dhe që për herë të parë organizohet në këtë  mënyrë unike dhe elektronike.
Dhe është për tù përshendetur që PS po vjen në  keto realitete  sepse,  se gjatë 8 viteve të qeverisjes se saj Rregjistri e te tjerat u premtuan  në mënyrë të parreshtur dhe asnjëherë nuk u realizua magjthëse për 8 vite kjo mund të realizohej 3 ose 4 herë .
Mos harrojmë që në vitin 2001 qeveria socialiste e PS prodhoi  kartat zgjedhore, një pjesë edhe ua shiti qytetarëve për të njoftuar pastaj që  këto karta ishin të pavlefshme dhe mund t’ì mbanin si relike zbukuruese madje ndryshoi kodin elektoral  pak para ditës së zgjedhjeve pikërisht për të hequr këto karta  zgjedhore si dokument identifikimi.
Kam folur për këtë dhe për paratë e humbura të këtij projekti por është interesante që dhe ministri i brendshëm i një qeverie socialiste të atyre 8 viteve ka thënë për shkak të këtij dështimi 6 milionë dollarë u hodhën në Lanë. Unë vetë nuk besoj se janë hedhur në Lanë, sepse rrjedha e ujit i nxjerr ato në det dhe humbasin vertet por dyshoj  se janë hedhur në ndonjë vend ku dikush ka mundur të shkojë e ti marrë. Por do të  ishte në  përgjegjësinë  e qeveritareve socialiste të asaj kohe që janë të pranishëm këtu në sallë të japin sqarime dhe ndoshta dhe të prokurorisë nqs ka kohë që të fillojë të merret  me këtë cështje.
Të mos harrojmë edhe  demonstrimi e ministrit përkatës të asaj kohe, i cili  bubellon edne në këtë sallë,  8 vite më parë kur i dha para mediave  numrin e  identifikimit, një të porsalindure në maternitet, një foshnje me emrin Blerina. Sot Blerina ka të ngjarë është në vitin e dytë të shkollës fillore dhe deri 11 janar të këtij viti ka qenë e vetmja shtetase e pajisur me një numër të tillë. Procesi që ka filluar më 12 janar me aplikimin për letërnjoftimet, apo siç quhen rëndom kartat e identitetit dhe përmes  gjenerimin automatik pajis çdo shtetas me numrin e identifikimit; ashtu si në çdo shtet modern.
Dhe ky është realiteti me të cilin ne përballohemi ne opozita socialiste po në rradhë të parë populli shqiptar.
Por të kujtojmë qëndrimet e Partisë Socialiste në opozitë. Zotërinjtë e saj e kanë shpallur  kompani të falimentuar  koncesionarin  franko- amerikan  që po lëshon letërnjoftimet dhe pashaportat, kanë folur për tendera të korruptuar pa përmendur ndonjë fakt dhe kjo nuk është e rrallë. Kanë folur, mbaj mend në nëntor deputetin e Librazhdit i cili pohoi me gojën plot se jo, në janar nuk do fillojë procesi i leter njoftimeve; ka patur deklarime populiste, extreme, por do tí quaja edhe  hipokrite nga deputeti i Tepelenes, i cili me rastin e diskutimit të buxhetit propozoi që këto dokumenta të jenë falas. Them populiste sepse kjo nuk ka ndodhur ndonjehere gjetiu; them hipokrite sepse gjatë 8 viteve të qeverisjes socialiste, jo letër njoftimet që nuk ishin në gjendje tì bënin për shkak të mos dëshirës apo paftësisë, por dhe çertifikatat që jepeshin me rradhë të mëdha, me mukajet, me ryshfet ndonjëherë, por  që duheshin shpeshherë një  herë për të regjistruar pronën,  pastaj për t`u pranuar në shkollë, me tutje për t`u pranuar në punë, e për të marrë patentën. Për secilën nga këto herë duhet të mbaje rradhën por edhe të paguaje  500 lekë të vjetra dhe po t`i mbledhësh të gjitha herët që një qytetar detyrohej të paguante, afrohemi të cmimi i sotëm i letërnjoftimit. Megjithatë qeveria vendosi ta subvencionojë për pensionistët, për të papunët, studentët e kategori të tjera, duke iu përgjigjur dhe një shqetësimi popullor, por edhe të PS dhe opozitës dhe mendoj që kemi bërë mirë në këtë pikë,
Duhet të them se mënyrën sesi kanë folur qysh kur ka filluar ky proces nga 12 janari, PS dhe  përfaqësuesit e saj, ministri i brendeshem i qeverisë socialiste që përmenda pak më parë  dhe që sot drejton seancën plenare e quajti antikombëtar. Është punë e PS tyre tí japin përgjigje një akuze të tillë, por ajo që duket  qartë është tentative  baltosje e shëmtuar e një  procesi historik për shtetin shqiptar. Dhe mendoj që PS bën gabim, gabim edhe për interesin e vet, sepse ka një numer besimtarësh partiakë që e besojnë dhe votojnë atë. Duke  e denoncuar   këtë proces ,PS thjesht i largon ata nga vajtja në  zyrat e gjendjes civile për të bërë aplikimin dhe 2 apo 3 javë më vonë për të tërhequr letërnjoftimin, duke mos i dhënë mundësi që në fund të qershorit të  votojnë për partinë që ata lirisht e zgjedhin.
Deputeti socialit i Mallakastës përmendi si fajtor të zgjedhjeve dhe letërnjoftimeve  Kryeministrin. Nuk është nevoja ta komentojmë, se në gjuhën e opozitës Kryeministri fajësohet  sa herë që bën vapë  apo mot i keq. Por nuk e kuptoj pse perflitet z. Fedinand Pone një zyrtar i shtetit që po bën detyrën e tij sipas ligjit dhe programit të qeverisë duke menaxhuar këtë proces. Nuk është nevoja tani që të bëhet edhe më qesharake opozita me akuza të tilla dhe të fyejë njerëzit pa pikë arsye. Unë do të këshilloja, ndoshta nuk është detyra ime ta bëj, por do guxoja ta bëja këtë, që vetë Edi Rama, në mënyrë publike, të ftojë kamerat që i ka përzemër ta bëjë këtë proces aplikimi duke i dhënë  mesazhin dhe votuesve të PS, por dhe publikut, se ky është një proces që duhet kryer. N.q.s ai nuk e bën për arsyet e veta,  le të delegojë dikë, a Taulantin apo nje deputet tjetër.
Ky do të ishte hapi  i duhur dhe jo kritika pa vend për të gjetur kudo të keqen, për të komentuar veresie  rradhët,  sepse është e pamundur që 4 milionë vetë që presin prej 18 vjetesh të marrin letërnjoftimet  të mos  prodhojnë rradhë.
Megjithatë, pavarësisht, këto janë vendime të PS dhe mban përgjegjësinë vetë, mban edhe koston vetë, unë do të doja tì përgjigjesha 2 shqetësimeve që janë në të vërtetë legjitime dhe që duhen trajtuar dhe zgjidhur.
I pari është ai i duplikatave në Regjistrin Kombëtar të Gjendjes Civile.  PS-ja  në pushtet me regjistrin e  përkohshëm të zgjedhësve dhe me zgjedhësit me kodin 999 ka bërë namin  duke hequr  apo duke vënë sipas qejfit personat në  këto lista apo duke ja çuar qendërvotimin 5  mëhalla më  tutje.
Hera e parë që ky proces është zgjidhur ka qenë viti 2007, sepse regjistri  kombëtar i gjendjes civile nuk është si sot, por ka qenë prapë i modernizuar dhe në një periudhë 10 ditore, MB mundi të hiqte duplikatat në listat e zgjedhësve.  Sot dublikatat nuk janë 200 000 sa tha deputeti parafolës, por janë 50000 mijë. 45000 prej tyre janë midis njesive të ndryshme  (bashki  apo  komune) 5000 janë brenda të  njëjtës komunë apo bashki;   brenda 10 ditëve,
Ministria e brendeshme do të njoftojë për eleminimin e  duplikatave dhe mbi këtë bazë do të dalin lista zgjedhore  të sakta. Ka qenë bashkëpunimi i kryetarëve të komunave dhe bashkive, një pjesë e mirë e tyre socialiste, për të realizuar këtë proces me saktësi dhe besueshmeri dhe reagimi i këtyre komunave dhe bashkive socialiste është një model shumë i mirë, që duhet ndjekur dhe nga  partia në qendër.
Dhe shqetësimi  tjetër i 730000 personave që nuk  kanë pashaporta, është një shqetësim i drejtë i opozitës dhe jo vetëm i opozitës, kuptohet, por vendimi i Këshillit të Ministrave  pika 8 e tij  përcakton, që këto zonja e zotërinj, që për  shkak të moshës, apo arsyeve të tjera, nuk kanë marrë pashaportë,  janë prioritarë  në pajisjen e tyre me leternjoftim. Unë do të ftoja PS që  të rishikonte propozimin e vet, që të bllokonte furnizimin me letërnjoftim të gjithë popullsisë, për të furnizuar vetëm këtë kategori, sepse do të ishte  e padrejtë që shqiptarët që e kanë pritur me vite  letërnjoftimin dhe pas letërnjoftimit  duan të marrin pasaportën biometrike, një pashaportë që përmbush një ndër kushtet e heqjes së vizave të Shengen-it,  që ne shpresojmë ta arrijmë brenda vitit 2009.
Ka mënyra të tjera për të bërë të sigurt që ky kontigjent zgjedhësish të pajisen deri në qershor të këtij viti; pasi edhe  shtrirja jashtë Tiranës  e aplikimeve do fillojë shumë shpejt. Njoftoj që, kryesorja nuk janë komunat dhe qytetet e vogla. Sfida më e madhe për koncesionarin dhe për e zyrat e  gjendjes civile,  MB e bashkitë përkatëse,  janë qytetet  e mëdha. Është Tirana, ku ka filluar të shumëfishohen dhe forcat e aplikimit dhe së shpejti do vijohet me Durrësin ,Vlorën ,Shkodrën me Elbasanin dhe me Korçën.
Do ishte shumë mirë që  komision parlamentar ad`hoc me përfaqësues dhe nga opozita të bënte   vizita të tilla, të komunikonte me  zyrtarët tanë, të vizitonte Zyrat e  Gjendjes Civile, të fliste me kryetarë bashkie dhe minibashkie të shikonte vetë Qendrën e Personalizimit të menaxhuar nga Koncesionari franko-amerikan ndoshta të vizitojë dhe Hamburgunne Gjermani  ku prodhohet pashaporta apo Hollandën ku prodhohet letërnjoftimi sepse vërtet po të shkojnë  vetë atje do të mësojne nga ekspertë neutral objektivë  se dokumentet tona jane më të mirat  që ka Europa, jo se ne jemi detyrimisht  më të mirët por sepse  kemi fatin që aplikojme teknologjinë më të fundit dhe kemi dokumentet më të mira sot për sot. Jam i sigurt që kjo përshëndetet nga gjithë qytetarët e këtij vendi, dhe shpresoj dhe nga opozitarët e këtij vendi gjithashtu, të ndodhë një gjë e tillë. Më mirë vonë se kurrë.