Me ndertimin beheni te pasur, me tregtine keni gjithmone pune
Nese me biznesin e ndertimit do beheshit te pasur menjehere, me ate te tregtise do kishit gjasa qe te perballeshit me shume ne jeten tuaj. Dhe kjo, pikerisht sepse i pari paraqet normen me te larte te fitimit si aktivitet privat ne vendin tone, ndersa i dyti, paraqet shperndarjen me te madhe te tij ne rang vendi. Duke treguar keshtu se mbeten dy sektoret kyc te ekonomise shqiptare. Nje dukuri e tille bie ne sy nga te dhenat me te fundit qe Instituti i Statistikave ka publikuar mbi Anketimin Strukturor te Ndermarrjeve. Sipas te cilave, sektori i ndertimit zoteron nje norme fitimi deri ne masen prej 16.1% te aktivitetit te tij ne teresi. Nderkaq, pas tij, duket se me te favorizuar jane ata sipermarres qe zgjedhin sektorin e sherbimeve per te ushtruar aktivitetin e tyre privat. Pasi ai sipas eksperteve te INSTAT-it siguron nje norme fitimi deri ne masen prej 13.2% te aktivitetit te tij. Me tej, eshte sektori i transportit dhe telekomunikacionit, ai qe paraqet ecurine me te mire te fitimeve te siguruara prej tij, respektivisht ne nivelin prej 11.2%. Per te perfunduar me sektoret e tjere te ekonomise, ate te tregtise dhe ate te industrise, me vlerat e peraferta te normes se tyre te fitimit, 7% dhe 7.2%. Duke qene keshtu nder sektoret prej te cileve mberrijne me pak para’ prej fitimit, e kjo, pavaresisht impenjimit te madh qe ato kerkojne. Por gjithsesi, pesha e te tille sektoreve, edhe pse me pak fitim, qendron pikerisht ne peshen qe ato zene ne ekonomi, duke qene te aplikuara prej shume sipermarresve. Keshtu, gjithmone referuar Anketes Strukturore te Ndermarrjeve, 2011, te publikuar se fundmi nga INSTAT, konstatohet se sektori i tregtise ne teresi perben 48% te shifres se afarizmit nga te gjithe prodhuesit ne treg. Ku gjate vitit 2011 ndermarrjet aktive ne sektorin e tregtise zune 45.6% te totalit te tyre. C’ka tregon ne terma praktike se mese gjysma e popullates vendase, merret me ushtrimin e ketij aktiviteti privat. Pasuar me tej, nga sektori i industrise, i cili numeron rreth 87.2 mije te punesuar ose 31.1% te totalit te tyre. Duke treguar keshtu, se si keta dy sektore kane nje perqendrim te larte te popullates brenda tyre.