Memelli, i 32-ti në renditjen e sulmuesve për vitin 2009

Memelli, një nga shtyllat kryesore të Tiranës kampione, duket se është pranë transferimit në Superligën ruse tek Spartak Nalçik. Në renditjen e Institutit Botëror të Historisë dhe Statistikave të Futbollit (IFFHS) ai renditet menjëherë pas kolumbianit të Indipendentes, Xhekson Martinez dhe argjentinasit të Apollon Limasolit në kampionatin qipriot, Gaston Sangou.Për t’u theksuar është fakti se 29-vjeçari ka mesatare më të mirë se uruguajani i Ajaksit, Luis Suarez (22 gola në 31 ndeshje), argjentinasi i LDU de Kuito, Klaudi Bieler (22 gola në 33 ndeshje) dhe argjentinasi i Realit të Madridit, Gonzalo Higuain (22 gola në 34 ndeshje).