Mesuesit do te raportojne cdo dite numrin e mungesave

Ministria e Shendetesise deklaron se viti i ri shkollor 2009-2010, nuk do te shtyhet per shkak te virusit A/H1N1, i cili tashme ne vendin tone ka prekur 30 persona. Ne nje takim me perfaqesues te Ministrise se Arsimit, autoritetet e shendetesise kane vendosur nisur nga situata epidemiologjike ne vend, te celin vitin e ri shkollor ne daten e caktuar nga MASH. Ne nje deklarate per shtyp thuhet se Ministria e Shendetesise, do te jete ne kontakt dhe komunikim te vazhdueshem me strukturat e Ministrise se Arsimit per zbatimin ne praktike te masave te domosdoshme per parandalimin e ketij virusi. Javen e ardhshme, do te organizohen takime me mjeket e shkollave dhe drejtorite arsimore rajonale. "Nuk ka asnje arsye per te mos hapur shkollat pasi situata ne vendin tone nuk eshte aspak agresive. Keshtu biseduam me specialistet e Ministrise se Shendetesise dhe per cfaredo problemi ne do te raportojme" tha Ftmir Vejsiu, drejtor i arsimit Parauniversitar. Drejtorite e te gjitha shkollave do te raportojne ne ministri per arsyet e mos frekuentimit te nxenesve dhe nese do te ndeshemi me nje numer te larte nxenesish qe mungojne per te njejtin motiv shendetesor, atehere mund te merren edhe vendime ekstreme. Ministria e Arsimit pret rekomandime nga specialistet e shendetesise per masat informuese qe duhet te merren ne te gjitha institucionet arsimore.

Masat

Specialistet e Institutit te Shendetit Publik i kane kerkuar Ministrise se Arsimit qe te marre masa per te siguruar uje 24 ore ne shkolla si dhe sapun. Kjo per te rritur higjienen personale te nxenesve. Nderkohe jane duke u perfunduar pankartat me keshillat perkatese vetem per femijet e shkollave.