Meta: Do te zhvleftesojme Kodin Zgjedhor

Kryetari i Levizjes Socialiste per Integrim, Ilir Meta, shprehu vendosmerine ne sallen e kuvendit se do te beje perpjekjet me te medha per te zhvleftesuar kodin e ri zgjedhor qe perben nje krim dhe nje padrejtesi politike.

"Ne do te udheheqim te gjithe perpjekjet e te gjithe atyre qe duan te votojne te lire. Me Kodin Zgjedhor demoralizohet forca me e madhe aktuale ne vend", u shpreh Meta, duke premtuar se LSI shume shpejt do t'i ndihmoje te gjithe shqiptaret qe t'i japi ndeshkimin e merituar atyre qe po cenojne voten e lire", u shpreh Meta.

Ne nje fjale te shkurter para deputeteve, ne diten e nente te greves se urise, Meta theksoi se Kodi do i vere dy palet para nje pergjegjesie shume te madhe.

Ndersa per socialistet, Meta, vleresoi se ata kane kryer nje akt unikal ne bote, pasi reduktojne vete objektivat e tyre.

"Me kete kod po i coni ne minumum garancite e zgjedhjeve te ardhshme, kur dihet se ne pushtet eshte nje person si Berisha", u shpreh Meta.

Sipas Metes, votimi i sotem do te jete nje votim kartonash me urdher te dy boseve te medhenj, Berisha dhe Rama.

Pasi premtoi se do t'i drejtoje shqiptaret qe te jetojne me dinjitet ne kete vend, Meta deklaroi daljen nga salla e kuvendit dhe bashkimin me protestuesit jashte nderteses se parlamentit.