Meta: Në Shqipëri 1 km rrugë kushton 3-4 herë më shumë se në Greqi

Tenderat për rrrugët kanë qenë në qendër të kritikave të kryetarit të Partisë së Lirisë, Ilir Meta, gjatë një takimi elektoral për zgjedhjet vendore në Korçë.

Gjatë fjalës së tij, Meta nënvizoi se “në Shqipëri një km rrugë kushton 3-4 herë më shumë se në Greqinë fqinje”. Kreu i PL-së është shprehur se sot pushtetet janë në duart e një njeriu të vetëm.

“Më 14 maj kjo do të ndryshojë, do të marrë fund monizmi. Para se të hyja këtu pashë një kullë të shëmtuar. Por Korça është një qytet historik, ka identitetin e vet. Si mund të bëhet një kullë e shëmtuar në mes të Korçës për një kapriço të dikujt? Mirë ai që iku nga mendja, po këta që janë këtu në Korçë si e pranuan?! Korça është me fat që do të ketë një kryebashkiake, dhe do ta ketë”, tha Meta. 

/rtsh.al/